Русија и САД постигнаа нов договор околу сите отворени прашања кои се однесуваат на стратешкото нуклеарно вооружување и замената на договорот “Старт 1“ кој истече во декември минатата година.

Ова го изјави американскиот државен секретар Хилари Клинтон, по средбата со рускиот претседател Дмитриј Медведев денеска во Москва. На средбата присуствуваше и рускиот министер за надворешни работи Сергеј Лавров.

Високи извори во Кремљ, во текот на денот информираа дека основни теми на средбата ќе бидат подготовка на новиот договор за стратешко вооружување, иранската нуклеарна програма и мировниот процес на Блискиот Исток./крај/фокус/вм