Јужнокорејскиот електронски џин Самсунг Електроникс очекува силна 2010 година, благодарение на забрзувањето на економскиот раст во развиените и големи економии.

Од компанијата соопштија дека целат кон двоцифрен раст на продажбата во споредба со рекордното ниво од минатата година.

Најголемиот светски производител на телевизори со рамен екран и вториот најголем продавач на мобилни телефони во петокот одржа состанок за своите акционери. .

Во текот на последната деценија, Самсунг стана една од водечките светски компании во електронскиот сектор и најголемиот светски производител на компјутерски мемориски чипови и екрани со течни кристали. Во областа на мобилна  телефонија  се наоѓа зад финската компанија Нокиа. /крај/хи/ит