Летачкиот персонал на британскиот авиопревозник „Бритиш ервејс“ изутрината стапи во тридневен штрајк, откако вчера пропаднаа преговорите помеѓу раководството на компанијата и синдикатот.

Непосредна причина за штрајкот е најавата за замрзнување на платите и измената на работните услови.

Поради штрајкот, во наредните три дена ќе се реализираат само 65 отсто од планираните линии на „Бритиш ервејс“.

Британската авиокомпанија, која има околу 12.000 членови на екипажите, настојува годишно да заштеди 62,5 милиони фунти, бидејќи е соочена со пад на побарувачката, раст на цената на горивото и конкуренција на нискотарифни компании. /крај/по/ап/