Daily news
Десет шефови на големи компании со плата под 50 000 долари
Главните извршни директори на водечките компании во САД добиваат стотици милиони долари годишно, покажуваат неодамна објавените податоци на Bloomberg за најмногу високo платените лидери.
Едно од овие имиња сепак се издвојува -Илон Муск од Tesla. Иако Муск заработил цели 99.744. 920 долари во 2016 година, неговата официјална плата е само 45. 936 долари, што ги одразува барањата за минимален надомест во државата Калфорнија.
И тој никогаш не ги зема парите. Муск сепак не е единствениот.
Видете деветте други главни извршни директори на големи компании и еден претседател на САД, чии годишни плати се 50.000 долари или помалку.
Џек Дорси
Позиција: извршен директор на Twitter и Square.
Годишна плата на Twitter: 0 долари
годишна плата во Square: 2.75 долари
Шефот на Twitter и Square не добива висока плата во ниту една од двете компании. Twitter плаќа над 68.000 за безбедноста и обезбедувањето на Дорси, но неговата основна плата е 0 долари. Од Square тој заработува 2,75 долари годишно, што е еднакво на процентот со кој Square ги наплатува од трговците за трансакции со кредитни карти на платформата.
Марк Цукерберг
Позиција: извршен директор на Facebook
Годишна плата: 1 долар. Цукерберг за првпат инсистираше на плата од 1 долар во 2013 година, што го направи најниско платен вработен на технолошкиот гигант. За Цукерберг одлуката да се откаже од плата е симболична – освојувањето на пари не е негов приоритет на Facebook.
Еван Спигел
Позиција: извршен директор на Snap Inc. Годишна плата: 1 долар. Спигел е нов во клубот на раководителите кои добиваат плати од по 1 долар. Неговата плати падна од над 500.000 долари на 1 долар, по ИПО на акции на компанијата во текот на годината. Одлуката на Спигел е знак за доверба во иднината на компанијата. Тој е толку уверен во успехот дека наместо да продолжи да добива плата, одлучил да трупа состојба од вредноста на акциите.
Ричард Хејн
Позиција: извршен директор на Urban Outfitters, Годишна плата: 44.310 долари Плаќањето на Хејн е обврзано директно со приходите на неговата компанија, затоа варира во различни години, но сепак е во зависност од презентацијата на Urban. Според истражувањето на компанијата Morningstar, Хејн заработил малку над 44. 000 долари во 2016 година, во споредба со 33 000 долари во 2013 и 535.000 долари во 2015 година
Лари Пејџ и Сергеј Брин
Позиција: извршен директор и претседател на Alphabet, односно годишна плата: 1 долар Коосновачите на Google Пејџ и Брин почнаа да земаат годишни плати од по 1 долар во 2004, кога компанијата стана јавна. Сега официјално тие продолжуваат да добиваат плата само по еден долар годишно. Благодарение на нивните акции во компанијата, сепак, нивната состојба се проценува на над 40 милијарди долари.
Џон Маки
Позиција: извршен директор на Whole Foods. Годишна плата: 1 долар и покрај високите цени во продавниците на синџирот Whole Foods, а е еден од двајцата нејзините главни извршни директори и добива годишна плата од само 1 долар. Вака е од 2007 година. “Имам доволно пари и поголем мотивација за мене е да се обидувам да правам добро”, вели тој за Wall Street Journal, набргу откако ја објави својата одлука во 2006 година.
“Не се сметам за особено специјален или благороден. Тоа едноставно е поентата што сакам да ја направам. ”
Доналд Трамп
Позиција: претседател на САД. Годишна плата: 1 долар. Додека течеше претседателската кампања, Трамп изјави дека нема да зема плата, ако биде избран. Милијардерот засега се придржува кон тоа ветување. Тојја подари целата своја плата за првиот квартал на Канцеларијата за националните паркови.
Џереми Стоплман
Позиција: извршен директор на Yelp. Годишна плата: 1 долар. Во 2013 година Стоплман ја намали основната плата до 1 долар, со што се приклучи на неколку други шефови на компании од Силиконската долина. Ако се сметаат опциите за стекнување на акции сепак, тој заработува доволно добро. Сумата изнесува околу 919. 000 долари во 2015 година.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.