Апарат за гаснење пожар и сигурносен-рефлектирачки елек од денеска се задолжителни во секој патнички автомобил, автобус, или товарно возило.

Одлуката стапува на сила согласно Правилникот за задолжителна опрема во возилата. Апаратот за пожар треба да биде поставен на видно место или на место лесно за дофат. Апаратот треба да биде од два килограми, наполнет со прашок АБЦ.

Сигурносниот елек возачот треба секогаш да го облекува кога го напушта своето возило во мрак, кога менува гума, става бензин.

Елекот е со жолта боја прилагоден по EN-471 стандардот за видливост на облеката за предупредување на големо растојание. /крај/амсм/ст