Градежната компанија „Гранит“ зеде револвинг кредит вреден 23,2 милиони евра. Тоа е 46,4 проценти од книговодствената вредност на имотот на компанијата.

Кредитот „Гранит“ ќе го користи во најголем дел за обезбедување на банкарски гаранции и за веќе преземени и следни преземања на работи во земјата и странство. Како залог за кредитот, компанијата ги ставила под хипотека управна зграда и хотелот во Скопје, деловен објект во Битола, стопански комплекс во Каменица, хотел во Охрид, деловен објект во Делчево како и дел од градежна механизација и товарните возила.

„Гранит“ успешно работи во повеќе странски земји во кои има и свои претставништва, меѓу кои во: Германија, Русија, Албанија, Бугарија, Украина, Хрватска и Црна Гора.

Пред неколку дена компанијата склучи договор за изградба на новата судска зграда -Кривичен суд во Скопје во вредност од 465,1 милиони денари.

Минатата година "Гранит" оствари 336.924 илјади денари нето добивка, што е за 56.902 илјади помалку во однос на нето добивката остварена во 2008 година.

Оперативните приходи ланската година беа на ниво од 3.927.692 илјади денари, а оперативните расходи на ниво од 3.729.397 илјади денари.

„Гранит“ минатата година ги зголеми приходите за 448.387 илјади денари, на 3.703.886 илјади денари.