Чешкиот премиер Пeтр Нечас во понеделникот најави дека неговата влада го запрела процесот на ратификација на меѓународниот договор за заштита на интелектуалната сопственост на итнернет – ACTA кој е остро критикуван во многу земји и во самата Чешка.

Владата никако не може да се помири со ситуацијата во која се загрозени темелните слободи и слободниот пристап на информацијата, изјавил премиерот Петр Нечас, пренесува чешката агенција CTK. Според премиерот, владата наскоро ќе го проучи влијанието на ратификацијата на овој договор врз „вистинскиот живот“.

Чешка е една од 22-те европски држави коишто во јануари го потпишаа овој мултирален договор кој треба да го спречи незаконското преснимување и преземање материјали од интерент. И владата на Полска деновите го сопре преоцесот за ратифиакција по бранот протести во земјата.

За да стапи на сила овој документ во земјите, мора да го ретификуваат националните парламенти.

Последните денови во Прага и во другите поголеми чешки градови беа одржани повеќе протести на кои учесниците го изразија својот револт оценувајќи го документот како „удар врз слободата и демократијата“.

„Догворот ACTA претставуа сериозен удар врз граѓанските слободи во Чешка. Мислиме дека парламентот не треба да го ратификува“, изјави минатиот четврток за локалните медиуми Микулаш Ферјенчик, лидер на Чешката пиратска партија, основана по примерот на сличната партија во Шведска.

Повеќето мрежни страници на чешката влада и интернет страниците на партија ODS  на премиерот Нечас деновиве беа цел на кибернетички напади на хакери од групата Anonymous./крај/хи/сн

Copyright 2012 makfax Сите права се задржани. Текстот не смее да се печати или емитува, во целина или во делови без договор со Мakfax.

  0     0