Бранко Црвенковски во својата 20-годишна политичка кариера не изгради апсолутно ништо во Македонија и зачудува од каде тој се доживува како авторитет кој може да коментира дали е нешто кич или не.

Со ваков став денеска излезе министерката за култура Елизабета Канчевска-Милевска, по најавите на барањето на лидерот на СДСМ, Бранко Црвенковски да се распише референдум за новиот урбанистички план Скопје 2014.

Запрашана како ќе го коментира барањето за референдум,  Канчевска- Милевска одговори дека целиот проект поминал транспарентно и во него учествувала целокупната стручна јавност составена од архитекти и инженери.

Според проценките на министерката за култура, проектот Скопје 2010 ќе чини од 0,5 до 1 отсто од буџетот во зависност од буџетската година, заклучно со 2014 година./крај/фф