Претседателот на Владата на Република Српска Милорад Додик и Министерот за индустрија, енергетика и шумарство Слободан Пухалац денеска во Рим потпишаа заедничка изјава со италијанскиот Министер за економски развој, Клавдиј Скалој.

„Заедничката изјава ја дефинира соработката меѓу Р.Српска и Италија во енергетскиот сектор како и реализација на проектот кој  се однесува на градење на хидроелектрана и преносна мрежа“, соопштија од Бирото за односи со јавност на Владата на Р. Српска.

Во соопштението е истакнато дека Италија изрази желба да биде еден од стратешките партнери на Р.Српска во областа на енергетиката.

Во наредниот период, планирано е Р.Српска и Италија да потпишат договор, кој ќе ги дефинира конкретните форми на меѓусебна соработка во областа на енергетиката./крај/он/ин