Daily news
Николај Миронов за нападот во Санкт Петерсбург: Целта е никој да не се чувствува безбедно
Нападот во Санкт Петербург е испровоциран од улогата на Русија во борбата против тероризмот, а не од внатрешнополитички процеси, смета рускиот политиколог Николај Миронов, кој раководи со Центарот за економски и политички реформи во Москва, цитиран од БНР.
Тој ја потврдува основната верзија дека зад експлозијата во метрото стои меѓународна терористичка организација, а сторителот е руски државјанин, роден во Киргистан, следбеник на исламскиот радикализам.
Според Миронов потребена е построга контрола на миграцијата, како и долгорочни мерки за интеграција, кои сега доволно не се преземаат од страна на руските власти. Најновата верзија од утрово покажува дека станува збор за бомбаш-самоубиец.
Можно е да имал соучесници, но се пронајдени останките на само еден човек. Во операцијата се вклучија и специјалците на Киргистан, бидејќи најверојатно станува збор за борец од Киргистан.
Притоа тој не бил мигрант, а имал руско државјанство, односно живеел во нашата земја и покрај тоа го изврши овој терористички чин. Во моментов се води истрага и тоа ќе биде разјаснето.
Ќе биде направена ДНК експертиза и ќе бидат барани нарачателите односно каде оди неговата врска или патека во Киргистан. Се уште не се познати мотивите, може да се претпостави дека најверојатно станува збор за исламски радикализам, но ниту една терористичка организација досега не ја презеде одговорноста. За сега организаторите и мотивите остануваат непознати.
Запрашан дали терористичкиот напад е диктиран од внатрешните процеси во земјата, или е поради улогата на Русија на меѓународната сцена, Миронов одговори: За мене водечка е меѓународната верзија. Не е оправдано да размислуваме за внатрешно-политички причини, особено земајќи го предвид фактот дека за сторител се смета за борец од Киргистан.
Нашите внатрешно-политички терористички напади од крајот на 90-тите и почетокот на 2000 година имаа корени од Кавказките републики, а во овој случај станува збор за Средна Азија. Треба да се обрне внимание на фактот дека мажот долго време живеел во Русија и има руско државјанство.
Најверојатно со него работеле меѓународни групи, а може да бил дел од постоечка мрежа. Но, за одржување на таквите мрежи, оддалечени од Средно азиските републики и од Блискиот Исток, се потребни многу средства, инфраструктура и врски, односно сериозно финансирање.
Изборот на терористите да удрат Санкт Петербург, срцето на Русија, е тоа дека токму во овој момент, во градот бил рускиот претседател Путин, смета Миронов.
Непосредна причина беше таму овој момент – претседателот Владимир Путинј учествуваше на форумот на Општорускиот народен фронт, организација која Путин ја активира кога се приближија предизборниѕе кампањи.
Во 2018 година претстојат претседателски избори и затоа веќе се активираат механизмите на Народниот фронт како структура која ја остварува врската на населението со претседателот. Тоа е организација која има популистички карактер, и настанот требаше да даде мек старт на предизборната кампања со силна медиумска покриеност.
Сите погледи на цела Русија беа прикован кон телевизорите, и додека одеше изјавата на Путин, тргна вонредната лента со информациите за нападот.
Терористичкиот акт обезбеди огромна публика, инстант ширење на информациите.
При тоа, експлозијата се случи во близина на форумот, на кој е претседателот, а тоа значи дека има безбедносен проблем – како за власта, така и за населението.
Уште еден момент за ширење страв. Досега од напади се плашеа само во Москва, сега веќе и во Санкт Петербург, а целта е никој да не се чувствува безбедно.
Каков ќе биде ефектот од терористичкиот акт на јавниот живот предводен од руската политика, Миронов ги направи следниве проекции: Ќе се дојде до зајакнување на мерките за безбедност, но не верувам дека тоа ќе предизвика сериозни последици за ограничување на слободата. Сите мерки диктирани од борбата против тероризмот, вклучувајќи и законодавни промени, веќе се преземени.
Претпоставката дека може да се дојде до ограничувања на некои слободи на интернет, бидејќи многу од протестните активности во Русија постојат и се координираат преку интернет, е една средина во која се негуваат протестните движења. Терористичкиот напад може да провоцира такви мерки, иако за тоа се зборува одамна. Сепак тоа би било жално.
Службите за безбедност и без тоа имаат многу овластувања, но кога стана јасно дека и тоа не помага за спречување на тероризмот, напади се случуваат во цела Европа. Тоа е зло, кое не може да биде целосно спречено, но според мене би било погрешно тоа да биде искористено за повод за ограничување на слободата..крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.