Контакт

Анализи

Русија-САД: Затегање на односите до крајни граници?

Објавено пред

Односите помеѓу САД и Русија се неверојатно затегнати во пресрет на претседателските избори оваа година и во двете земји. Сезоната на предизборни кампањи им создаде прилика и на двете страни да ги ескалираат тензиите – останува само нејасно до каде е секоја од нив подготвена да оди.

dobivaj vesti na viber

Односите помеѓу САД и Русија се неверојатно затегнати во пресрет на претседателските избори оваа година и во двете земји. Сезоната на предизборни кампањи им создаде прилика и на двете страни да ги ескалираат тензиите – останува само нејасно до каде е секоја од нив подготвена да оди.Москва и Вашингтон се во ќорсокак за многу прашања уште откако Русија почна да го турка назад од своите граници западното влијание и да ја наметнува својата моќ. Веднаш по распадот на Советскиот сојуз, САД почнаа да се ангажираат во регионот, со намера да создадат кордон околу Русија, со што би ја спречиле некогаш повторно да стане глобална закана. Но, по 2001 година, фокусот на САД се сврте кон исламскиот свет, а претходно осакатената Русија почна да зајакнува. Вашингтон продолжи со некои од своите политики за зауздување на Русија, како што се обидите на клучните екс-советски држави Грузија и Украина да им овозможи влез во НАТО, но Евроазија повеќе не претставуваше битна сфера на интерес за САД. Ова и даде време и можност на Русија повторно да навлезе во поранешните советски држави. Крајната цел на Москва не е повторно да го создаде Советскиот сојуз  – тоа е пропаднат ентитет. Наместо тоа, Русија сака да го ограничи влијанието на надворешните сили на територијата на поранешниот Советски сојуз и да биде признаена како доминантен играч во тој регион. Последично, странските влади – особено САД и Европа – мора своите билатерални односи со тие земји да ги обликуваат според ова сознание. Во изминативе неколку години, Русија беше релативно успешна во враќањето на своето влијание во многу од поранешните советски републики. Ова ја врати руската моќ назад на нејзините проширени граници, особено во Централна Европа, каде што САД имаа доминантна позиција. Русија не бара да ја контролира Централна Европа, но не сака ни регионот да стане база за американската моќ во Евроазија. Вашингтон на централна Европа гледа како на нова линија на Студената војна – позиција кој порано ја имаше западна Германија – каде што треба да се сопре руското влијание. Пат позиција: одбрана од проектилиТензиите помеѓу Москва и Вашингтон може да му се припишат на едно примарно прашање:одбраната од балистички проектили (Ballistic Missile Defense – БМД). БМД системите на САД во Романија треба да станат функционални во 2015 година,а во Полска во 2018 година. Не дека Русија е загрижена оти техничката напредност на одбраната од проектили на САД ќе ја поткопа или неутрализира руската нуклеарна моќ за одвраќање, туку БМД значи американско воено присуство во регионот, со што се покажува посветеноста на Вашингтон кон зачувувањето на безбедноста на Централна Европа пред се посилната Русија. САД тврдат дека системите се со цел да им се спротивстават на растечките закани од Иран. Како одговор на ова тврдење, Русија понуди да го интегрира својот БМД со тој на НАТО. Според Москва, таквата интеграција ќе ја засили одбраната на Западот ширум Евроазија – па дури и до Источна Азија. Како и да е, Вашингтон ја одби понудата и со тоа ги потврди сомневањата на Москва дека БМД системите се повеќе наменети против Русија, отколку против Иран. Сходно на тоа, Русија повлече неколку заканувачки потези наменети за САД и нивните сојузници – од поддршка за Иран, до разместување на свои БМД системи на границите на централно европските држави. Целта на Русија беше да го привлече вниманието на Вашингтон и да го обликува мислењето во Европа – а особено во Западна Европа – дека Русија на Западот му понудила партнерство во одбраната од проектили но, ете, била присилена да преземе противмерки кон САД.Нов соодносВо декември Русија извлече нова и уште поефективна карта во партијата против САД, кога американски хеликоптер уби 25 пакистански војници на авганистанско-пакистанската граница и предизвика опасно влошување на односите помеѓу САД и Пакистан. Пакистанците одговорија на нападот со прекин на испораките на гориво и намирници за силите на НАТО во Авганистан преку нивна територија. Ова на Вашингтон и на неговите сојузници им остави само една голема транспортна рута за намирници за Авганистан: Северната дистрибутивна мрежа (Northern Distribution Network – НДН), која минува низ Русија и низ повеќе екс-советски држави. Иако НДН минува низ рускиот, балтичкиот, кавкаскиот и централноазискиот регион, САД знаат дека рутата зависи од одобрението на Москва. Не само што руската територија е во центарот на главната рута, туку Москва има и доволно влијание во другите екс-советски републики (особено во Централна Азија)  или целосно да ја затвори рутата или барем делови од неа. Прекинот на НДН ќе доведе до официјален прекин на односите помеѓу Русија и САД, затоа што тоа ќе загрози повеќе од 130.000 американски и сојузнички војници во Авганистан. И додека другите руски закани минаа речиси незабележани од САД, Вашингтон тешко ќе ја занемари оваа најнова закана.Американскиот противодговорНа крајот на 2011 година, се чинеше дека Русија ќе се закани со прекин на НДН, за да ги присили САД да го сменат својот став за БМД. Но, тогаш се случи нешто што на САД им даде предност во однос на Кремљ: протестите во Русија. Во завршницата на планираното враќање на рускиот премиер Владимир Путин на претседателската функција, рускиот политички пејсаж го тресе нестабилност. Неколку политички и општествени поместувања се случија внатре во Русија, во моментот кога земјата влегува во нова фаза. Стресот од промените во Кремљ, подемот на антивладините групи и личните пресметки исто така доведоа до целосен пад на системот на кланови кои владееше со Кремљ, а кој го воспостави Путин пред една деценија. Путин е ранлив на оваа политичка нестабилност. Ваквата нестабилност не е нова за Русија под Путин, но моменталната ситуација се разликува од претходните по тоа што неколку кризи се случија одеднаш. Путин веќе ги разрешува кризите една по една и најверојатно успешно ќе го заврши процесот на враќање во претседателската фотелја. Но, штетата би можела да настане ако состојбата се влоши – нешто што САД лесно може да го поттикне. Путин може да се справи со 80-те илјади демонстранти кои се собраа на 24 декември, па дури и со 100-те илјади кои протестираа против Кремљ во Москва на 4 февруари (на демонстрантите им недостигаат финансии и организација). Но, ако разните групи демонстранти одеднаш добијат и пари и помош при организирањето, Путин би можел да се соочи со потешкотии при одржувањето на контролата на која е навикнат. Значи, не се работи за тоа дали Путин ќе ги освои претседателските избори – не постојат силни кандидати од опозициските партии кои би можеле успешно да му се спротивстават – туку за неговата способност да ефективно да владее со Русија, а при тоа да си го задржи имиџот на моќен лидер на моќна држава.Вашингтон веќе навести дека има волја да ги поддржи протестите, ако започнат. По руските парламентарни избори во декември се појавија извештаи дека зад мониторинг-организацијата која ја обвини руската влада за изборна измама стојат американски фондови. Потоа, американската Државна секретарка Хилари Клинтон исто така проговори против резултатите на изборите, во кој партијата на Путин „Обединета Русија“ го освои мнозинството во руската Дума. Но, најбитниот сигнал пристигна кога новоименуваниот американски амбасадор во Русија мајкл Мекфол пристигна во Русија во јануари. На само вториот ден од службата, Мекфол во американската амбасада мина неколку часа на средби со претставниците на повеќе групи на демонстранти (не сите демонстранти се прозападно ориентирани, но во пресрет на претседателските избори подготвени се да добијат поддршка од каде што ќе им се понуди). Мекфол се смета за еден од архитектите на „ресетот“ на руско-американските односи во 2009 година, кои привремено ги намали непријателствата, но Кремљ го гледа како потенцијална закана. Мекфол изјави дека, иако САД ќе работат со Русија на прашањата од заеднички интерес, западните лидери мора повторно да и се посветат на целта на создавање на услови за појава на демократски лидер на долги патеки“. Иако Мекфол негира дека се обидува да поттикне револуција во Русија, Кремљ е многу свесен оти САД ја имаат способноста со леснотија да ги поддржат антивладините групи.Како и да е, предноста на САД најверојатно ќе биде со краток век. По веројатниот реизбор на Путин на 4 март, протестните движења ќе еволуираат во разни организации, во помали демонстрации и, по можност, во помали партии. Путин тогаш ќе добие уште шест години како претседател за да ги среди руските политички фракции.Наредната ескалација?По изборите, Путин ќе има повеќе време и ресурси кои ќе може да ги посвети на поголемите прашања со кои се соочува Русија, како што е ќорсокакот со САД. Уште еден важен настан ќе се случи во мај: првиот самит Русија-Нато од 2008 година, кој ќе се одржи во Чикаго. Русија веќе кажа дека ако Москва и Вашингтон не постигнат договор за БМД до мај, Русија нема да учествува на самитот. Оцва може да биде сигнал за распад на односите помеѓу Русија и НАТО. Поранешниот руски пратеник во НАТО, Дмитриј Рогозин веќе го поврза договорот за БМД со севкупните односи помеѓу НАТО и Русија и со иднината на НДН. Како што бледнеат протестните движења, прашањето за БМД ќе се врати со сета силина и претходните закани од Москва повторно ќе станат главна грижа на Вашингтон. Но, Москва ќе внимава да не отиде предалеку со заканите и да поттикне масивна криза и прекин на односите помеѓу Москва и Вашингтон. Москва, можеби, ќе сака да ги натера Европејците да се почувствуваат нелагодно додека трае овој ќорсокак, но не сака тоа да и се врати в лице и да ги натера Европејците да се обединат со САД во поглед на регионалната безбедност. Згора на тоа, Русија не сака Авганистан да излезе од контрола, затоа што немирите во таа земја најверојатно ќе се прелеат во Централна Азија. Русија. Русија, исто така, не може да се натпреварува со САД кога станува збор за трупањето на воени технологии. Кремљ се чини несигурен во однос на идните политики на САД кон Русија, затоа што и таму се наближуваат претседателски избори. Русија памети колку беше лошо подготвена кога Роналд Реган го замени Џими Картер како претседател. Со ова не велиме дека во ноември ќе дојде до таква промена, но Москва не може да биде сигурна дека тоа нема да се случи. Москва сега има можност да ги ескалира тензиите со САД, по изборите во Русија, но Москва може да ја турка кризата само до одредено ниво, ако не сака да создаде масивно пукање на односите, кое нема да може да го контролира. /крај/stratfor/сс/



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Анализи

Силјановска vs Пендаровски: Кој добива, а кој губи во битката на социјалните мрежи и медиумите?

Објавено пред

Претседателските кандидати Стево Пендаровски и Гордана Силјановска-Давкова најмногу се спомнуваат во медиумите, а најмалку се популарни меѓу твитерџиите. Во негативен контекст почесто е споменувана Силјановска на социјалните мрежи „Феjсбук“ и „Твитер“, но и во медиумите.

dobivaj vesti na viber

Ова го покажа првата сентимент-анализа на истражувачкиот центар на „Макфакс“, која се изработуваше во периодот од 1 до 9 април годинава. Процесот на изработка на анализата е базиран на компјутерски алгоритми и има задача да одреди во каков контекст (многу негативен, негативен, неутрален, позитивен или многу позитивен) е напишан одреден текст или дел од текстот.

Преку системот беа анализирани 220 медиуми, како и објавите и коментарите на над еден милион корисници на „Фејсбук“ и твитовите од 300 илјади профили. Тестирањата на платформата покажaа дека користените технологии даваат резултат со точност поголема од 80 проценти.

Според анализата, имињата на Силјановска-Давкова и на Пендаровски почесто се споменуваат во медиумите отколку на социјалните мрежи „Твитер“ и „Фејсбук“. Во првите девет дена од месецот тие биле споменати вкупно 3.515 пати. На „Фејсбук“ биле споменати речиси двојно помалку, а најмалку биле споменувани на „Твитер“.

Силјановска, според оваа анализа, најмногу била спомената на веб-порталите „Република“, „Курир“, „Инфомакс“ и на „Прес 24“, а Пендаровски на „Прес 24“, „Макпрес“, „24 инфо“ и на „Вечер“. Од инфографикот може да се види комплетната слика за тоа во кој медиум биле најмногу застапени двајцата претседателски кандидати.

Во однос на контекстот на споменување во медиумите може да се заклучи дека постои тесна разлика меѓу Силјановска и Пендаровски, иако кандидатката зад која стои опозициската ВМРО-ДПМНЕ предничи со негативните коментари.

Па, така, во многу негативен контекст Силјановска била спомената 201 пат, а Пендаровски 136 пати. Ако таа била спомната 914 пати во негативен контекст, Пендаровски во истиот контекст бил спомнат 778 пати. Тој предничи и во однос на неутралните спомнувања во медиумите, а Силјановска предничи во однос на позитивните споменувања. Тесна е разликата меѓу многу позитивните конотации, во кои биле ставени двајцата претседателски кандидати на кои се однесува анализата, во која за 8 споменувања предност има Пендаровски.

Според податоците од аналитичкиот центар на „Макфакс“, претседателскиот кандидат Пендаровски е попопуларен од Силјановска во однос на бројот на споменувања. Во многу позитивен или позитивен контекст меѓу твитерџиите тој е споменат 231 пат, а Силјановска 201. Во однос на тоа дали кандидатите се споменати во негативен или многу негативен контекст за нијанса води Силјановска, која е спомената 401 пат, а Пендаровски 389.

Слична ситуација може да се види и на „Фејсбук“, каде што Пендаровски има предност во однос на бројот на споменувања. Ако Силјановска била спомената 481 пат во многу негативен или во негативен контекст, Пендаровски е споменат 429 пати. Кај претседателскиот кандидат зад кој стои СДСМ поголем е бројот на позитивни или многу позитивни споменувања на социјалната мрежа „Фејсбук“.

Според сето ова, Силјановска има поголема вредност на вкупниот сентимент во негативен контекст на социјалните мрежи и во медиумите од Пендаровски. Важно е да се потенцира дека не станува збор за анкета што ги мери гласовите за кандидатите, туку за начинот на кој тие се прикажани и коментирани во интернет-просторот. Истражувачкиот центар на „Макфакс“ на почетокот на кампањата за претседателските кандидати спроведе анкета.

Целосната методологија за начинот на изработката на сентимент-анализите на истражувачкиот центар на „Макфакс“ е достапна на следниот линк.

Прикажи повеќе...

Анализи

СЈО со детали: Како Камчев и Мијалков ги переле парите градејќи империја

Објавено пред

Злосторничко здружение, кое функционирало повеќе од 8 години, од 2009 година, кога биле отворани и затворани фирми, перени милиони и милиони евра, биле менувани сопственици, бил купуван огромен имот, отворани фирми на офшор-дестинации за еднократна употреба, префрлувани пари преку кипарски банки, а потоа овие испрани пари влегуваат како основачки влогови за да формираат македонски фирми.

dobivaj vesti na viber

Вака накусо може да се опише случајот „Империја“ на специјалното јавно обвинителство (СЈО), каде што, меѓу другите, осомничени се едни од највлијателните луѓе во земјата, бизнисменот Орце Камчев и поранешниот директор на УБК, Сашо Мијалков.

Три месеци по почнувањето на истрагата, обвинителството излезе со детали за еден од најобемните предмети за кој засега е утврдено дека се испрани речиси 11 милиони евра.

Истрагата е проширена за „Графички центар“ и за „Медија принт Македонија“ (МПМ), извршени се претреси во фирмите, осомничените се испрашани и собрани се докази.

Соработката меѓу Македонија и Кипар е воспоставена, па сега, конечно, на виделина излегуваат и имињата на оние што се криеле зад офшор-фирмите преку кои се переле пари.

Од крајот на јуни до крајот на октомври 2018 година некои од осомничените од „Империја“ биле под посебни истражни мерки.

„Мијалков не беше под посебни истражни мерки, Камчев многу внимателно зборуваше по телефон, но не и другите осомничени“, велат од СЈО.

Без разлика како ќе се одвива понатаму истрагата за „Империја“, со оглед на тоа што статусот и истрагите на СЈО сè уште се неизвесни, оттаму велат дека собрани се речиси 90 отсто од доказите за случајот да може да продолжи понатаму.

Злосторничкото здружение се распаѓа кон крајот на 2017 и почетокот на 2018 година кога осомничените почнуваат да земаат кредити за да се раздолжат, но тоа не значи дека тука завршуваат и нивните поединечни активности.

Под лупа на СЈО е и фирмата поврзана со семејството Мијалкови, „Бест веј инвестмент“, формирана веднаш по обеледонувањето на таканаречените бомби во 2015 година, чиј сопственик е синот на Сашо Мијалков, Јордан. СЈО истражува како се ширел бизнисот и како оваа фирма успева да заработи огромни суми и да стекне голем имот само за три години работа. „Бест веј инвестмент“, ако во 2016 година имала приходи од 816 илјади евра, во 2017 година веќе приходите ѝ растат на 9,6 милиони евра, што само покажува дека независно кој е на власт, бизнисите на Мијалков работат со полна пареа.

Краен сопственик на мистериозната „Ексико“ бил Камчев

Натписот на поштенското сандаче на улицата Иван Милутиновиќ во Скопје сведочи за постоењето на „Ексико“, чие сопствеништво е скриено

Центарот на истрагата за „Империја“ се познатата офшор-фирма „Ексико“ и бизнисменот Орце Камчев.

Истрагата утврдила дека зад првата фирма-мајка на „Ексико“, „Делта инвестмент“ од Белизе, всушност се крие таткото на Орце Камчев, Илија. Од оваа фирма, која поседуваше акции во големи акционерски друштва, а се јавуваше и како еден од сопствениците на атрактивните плацови на Водно, досега сите креваа раце и демантираа дека стојат зад неа.

Истрагата на СЈО утврдила дека по Илија Камчев, набргу како краен сопственик фигурирал и поранешниот директор на македонски „Телеком“, Жарко Луковски, а кога сопствеништвото на фирмата се сели во Америка, односно сопственик станува извесна „Калвус ЛЛЦ“ (Calvus LLC) од САД, крајниот сопственик е всушност Орце Камчев.

Од оваа американска фирма кон „Ексико“ се влеваат 1,6 милион евра како прилив, а дел од овие пари завршува на личната сметка на Камчев, додека со дел се купувани имот и земјиште во Гевгелија, на кое понатаму е предвидено да се градат казина.

Подоцна, а и до ден-денеска, сопственик на „Ексико“ е фирмата со швајцарски капитал „Т&МЈ инвестмент“ од Лугано, Швајцарија, фирма зад која оперативните сознанија покажале дека краен сопственик е член на семејството Мијалкови. Од швајцарската фирма кон македонската „Ексико“ немало никаков прилив или одлив на пари.

„Ексико“ не е единствената фирма преку која функционирало ова злосторничко здружение. Колку за пример, во истатата 2009 година офшор-компанијата „Хоспитал менаџмент груп ЛЛЦ’ од Кипар ја основа клиничката болница „Систина“. Понатаму, оваа компанија го продава имотот на друга офшор-компанија од Панама. „Орка холдинг“ го купува уделот од панамската, па повторно ѝ го продава на „Систина“, со што фактички Камчев внесува удел од „Хоспитал менаџмент“ од Кипар во Македонија.

Сомнежи за перење пари преку кипарски банки

Преку кипарски банки парите влегуваат во земјата

Значаен дел од истрагата на СЈО за „Империја“ има и фирмата „Финзи“ – истата фирма за која во таканаречените бомби можеше да се слушне дека одела набавката за опрема за следење интернет-комуникации за МВР. Министерството, додека на чело на УБК беше Мијалков, наместо директно да ја набави изреалската опрема за прислушување, тоа го правела преку „Финзи“. Во текот на истрагата за случајот самоубиство изврши директорот на „Финзи“, Коста Крпач, во април 2016 година.

Сега истрагата за „Империја“ повторно допира до „Финзи“, фирма основана од „Финзи ЛЛЦ“ во САД. Краен сопственик на оваа компанија, според СЈО, повторно е Орце Камчев.

Во неколку наврати од „Финзи ЛЛЦ“ преку кипарска банка кон македонската „Финзи“ биле исплатувани 650.000 евра. Во тоа време, односно во 2009 година, директор на „Финзи“ во Македонија е Владислав Стајковиќ, брат на Небојша Стајковиќ, поранешен помошник-министер за информатичка технологија во МВР.

Овие пари понатаму влегуваат како основачки влог во „Систина кардиологија“, фирма што подоцна е преименувана во „Си-Фи-Кар“ („Систина“, „Финзи“, “Кара“). Во 2012 година, според СЈО, кога парите веќе се испрани, американската мајка-фирма се затвора и се отвора нова фирма, во која Крпач влегува како директор, а на истата сметка легнуваат парите од израелската донација за опрема за прислушување.

„Не купуваат компании за да работат со нив, туку за да извлечат што можат“

Орце Камчев и Сашо Мијалков, клучните играчи во „Империја“

Многу компании, офшор, стотици папки со документи и изјави од сведоци содржи еден од најобемните предмети на СЈО – „Империја“. Од она што беше претставено пред новинарските екипи, неизбежен е заклучокот дека од досегашната истрага и собраните докази станува збор за класични примери за сомнежи за перење пари пред кои надлежните институции со години молчеле или се откажувале од гонење поради немање докази.

Дел од истрагата е отстапен и на купувањето на „Бетон Штип“ од страна на ТИМ ДОО, „Орка холдинг“, „Езимит“ ДООЕЛ и „Ексико“.

„Кога тие купуваат компанија, не ја купуваат за да ја работат, туку да извлечат што може од имотот на компанијата“, велат од СЈО.

Па, така, и овој пат сознанијата говорат дека од „Бетон Штип“ се извлечени 4 милиони евра, односно газдите ги тераат акционерите со парите да купуваат имот, а понатаму како што се извлекуваат парите, така се инвестираат во други зделки за што патем говорат и последните информации дека речиси 250 работници веќе ги напуштаат работните места од „Бетон Штип“ и истовремено преку суд си ги бараат неисплатените плати за последните четири месеци.

Дел од истрагата го опфаќа и „Фершпед“, односно од моментот кога Кираца Трајковска, која беше еден од мнозинските акционери во “Фершпед“, поради долг во Еуростандард банка, преку посредник побарала кредит од Стопанска банка АД Битола. Камчев, кој е дел од Управниот одбор на банката, наместо кредит, според СЈО, на Трајковска ѝ понудил преку физички лица да ѝ бидат префрлени парите по што биле ослободени нејзините акции од „Фершпед“.

За да им ги продаде акциите на странски инвеститори, таа го ангажирала брокерот Јованче Тасковски. Но, за нејзината намера дознал Штерјо Наков, кој побарал помош од Мијалков, со цел тој да ги купи акциите. Мијалков се договора со Камчев да ја изиграат, па без нејзино знаење, според СЈО, Ненад Јосифовиќ ги продава акциите на физички и правни лица поврзани со Наков за 4 милиони евра повисока цена од реалната. Парите од зделката завршуваат во фирма чии сопственици се „Ексико“, „Орка холдинг“ и „Тимох“.

Во делот од истрагата за „Империја“ влегуваат и стари случаи, кои претходно во обвинителствата завршувале со откажување од гонење поради немање доволно докази. Таков пример е истрагата за „пропаѓањето“ на „Орка спорт“, „Орка текстил“ и други фирми во сопственост на сега покојниот Илија Камчев. Данокот се избегнувал да се плаќа преку лажни стечаи, обезвреднување на имотот и формирање офшор-компании, а потоа парите „чисти“ биле внесувани во земјата, односно целиот имот бил пренесуван на новоформирани компании.

На овој начин, впрочем, и се градела целата империја – преку лојални соработници, изигрување на законитe и формирање компании за еднократна употреба.

Како ќе заврши истрагата и дали случајот ќе добие епилог останува неизвесно. Засега Орце Камчев и Сашо Мијалков се во домашен притвор, а конечниот збор ќе го каже Врховниот суд.

Освен Камчев и Мијалков, осомничени во случајот „Империја“ се и Ратка Куноска-Камчева, мајка на Камчев и неизвршен член на Одборот на директори на „Орка ходинг“, Кристина Камчева-Стојческа, сестра на Камчев и неизвршен член на Одборот на директори на „Жито полог Тетово“, Лилјана Гајдоска, правник во фирмите на Камчев, неизвршен член на Одборот на директори на ЗК „Пелагонија“, Тодор Мирчевски, директор на „Ексико“, Владислав Стајковиќ, сопственик на НВСП, доскорешен директор на „Мобико“ и поранешен директор на „Финзи“, Ванче Мијалчев, извршен директор на „Бетон Штип“, Јованче Тасковски, брокер, и Дејан Јанев од „О.Т.Е. инвест“.

Прикажи повеќе...

Анализи

Политиката го подели СЈО на табори

Објавено пред

„Чарлиевите ангели“ ги нема. Катица Јанева, Ленче Ристоска и Фатиме Фетаи речиси една година не се појавуваат на заеднички прес-конференции. Во јавноста и на социјалните мрежи сè погласни се критиките за работата на специјалното јавно обвинителство и ослабената доверба во оваа институција.

dobivaj vesti na viber

Три и пол години по формирањето, целосен судски епилог има само за два случаја а сè погласни се шпекулациите дека во СЈО владее поделеност на обвинителите на табори, кои меѓусебно не се согласуваат за дејствувањето на ова обвинителство, па тие разлики во мислењата лесно се забележливи и во јавноста.

Трите жени, кои беа симбол за СЈО, ретко може се видат заедно во јавноста, а речиси една година Ленче Ристоска и Фатиме Фетаи не даваат заеднички изјави. Според нашите извори, со слични ставови на една страна биле обвинителките Катица Јанева и Лиле Стефанова, а на друга Ленче Ристоска и Фатиме Фетаи.

Од друга страна, сè поприсутна во јавноста е главната специјална обвинителка Катица Јанева, која, според најавите, во вторник ќе се појави на „1ТВ“, каде што заедно со обвинителите Лиле Стефанова и Трајче Пеливанов треба да одговараат и на прашања од гледачите. Токму во фирмата сопственик на „1ТВ“, „БМЈ медиа груп“, работи синот на Јанева, младиот гевгеличанец Лазар Јанев, за кого веќе беше објавено дека пред вработените бил претставен како директор на правна служба. Пред точно два месеца Јанева беше гостинка на „1ТВ“ и се фотографира со сопственикот на телевизијата, Бојан Јовановски, со назнака дека станува збор за работен состанок.

Во СЈО во последната година во целост се смени практиката на комуникација со јавноста. Последната прес-конференција СЈО ја одржа на 21 март минатата година.

Повеќе нема брифинзи со новинари, а на обвинителките Ристоска и Фетаи не им е дозволено да даваат интервјуа и изјави. Целосна затвореност владее и во однос на истрагите. Случајот „Империја“, во кој, меѓу другите, се осомничени и бизнисменот Јордан Камчев и ексдиректорот на УБК, Сашо Мијалков, беше отворен пред повеќе од 2 месеца, а од СЈО нема дополнителни информации, освен дека истрагата е сложена.

Сите обиди на „Макфакс“ да обезбедат брифинг за случајот беа залудни. Новинарите меѓу себе коментираат дека ова обвинителство, кое наметна транспарентно работење, последнава година се затворило, иако обвинителите поминале серија обуки за комуникација со јавноста. Тоа остава простор за шпекулации во постапувањето по предметите на обвинителството. Од друга страна, во редовното Обвинителство се спроведува тренинг за односи со јавноста на обвинителите.

Според нашите информации, во специјалното јавно обвинителство меѓу некои од вработените владее незадоволство од начинот на работа, особено по последните политички случувања, амнестии и повици за помирување, кои во голем дел влијаат и врз актуелните предмети што се во судска постапка, но и на оние што се во истрага и предистрага, а во кои, меѓу другите, се вклучени и Сашо Мијалков, Елизабета Канческа-Милевска, Али Ахмети, Бујар Османи.

Ексминистерката за култура, КанческаМилевска, е инволвирана во предистрагата за предметот „Скопје 2014“, кој е еден од најобемните предмети на СЈО, за Мијалков се водат повеќе судски постапки, а предметот за агенцијата за обезбедување СГС е во предистрага.

Во процесот на помирувањето наголемо се споменуваа и измените во Кривичниот законик, односно член 353, став 5, кој ја регулира злоупотребата на службената положба преку јавните набавки. Доколку дојде до промена на овој член, како што беше најавувано, помали казни или ослободување од одговорност ќе добијат голем број обвинети во случаите на СЈО, меѓу кои и Мијалков.

Уставниот суд сè уште не расправал по иницијативата на адвокатот Еленко Миланов, кој бара судиите да се произнесат за овој член од Кривичниот законик.

Сите овие политички инволвирања, кои допираат и до СЈО, според нашите извори, довеле до голем раздор во работата на институцијата, која има годишен буџет од 3,7 милиони евра. Некои од обвинителите се разочарани од фактот што нивните предмети и нивната работа зависат исклучително од тековната политичка ситуација, па токму затоа во последниот период и не се работи на нови предистраги бидејќи се чека исходот од тоа што ќе се случува со институцијата и дали евентуално одредени функционери од претходната, но и од актуелната власт, ќе избегнат одговорност.

Прикажи повеќе...

Најново

Регион2 часа

(Видео) Силно невреме со поплави во Грција, Волос без струја

Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а...

Свет3 часа

Десетгодишно дете призна дека убило човек пред две години, полицијата во Тексас во шок

Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им...

Македонија3 часа

Изет Меџити од Берлин: Дијаспората ја совлада Југославија, ќе го совладат и ДУИ

Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората...

Свет3 часа

Северна Кореја тестираше „супер голема“ боева глава за крстосувачка ракета

Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета. Тестот за моќност на...

Македонија4 часа

Во вторник предизборен молк, до тогаш продолжува презентацијата на изборните програми

Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици...

Македонија4 часа

Пендаровски: Понудата на Мицкоски за коалицирање е знак на слабост

Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира...

Македонија5 часа

Силјановска-Давкова со 8 прашања, како граѓаните да се решат дали и за кого ќе гласаат на изборите 

Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики,...

Македонија16 часа

(Видео) Понудата на Мицкоски за коалицирање е знак на слабост, рече Пендаровски

Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира...

Македонија16 часа

Ковачевски до Мицкоски: На Македонија и е потребно национално единство за интеграција во ЕУ, а не за мораториум

Вчера, Мицкоски зборуваше за некакво македонско единство и за мораториуми. За жал, се повеќе и повеќе луѓе сфаќаат дека единствен...

Македонија16 часа

(Видео) Силјановска -Давкова: Пендаровски на многу закони, а и на најважниот, Кривичниот законик не стави вето

„Осум години претседателот повикува на ветинг. Тоа значи или генерален реизбор или пак другата форма на ветинг, кога треба да...

Македонија17 часа

Мицкоски: Државата е украдена од народот од страна на ДУИ и нивните измеќари СДС

Многу е важно да споменеме што ни се случуваше изминативе 6 и половина години, грабеж, понижување, срам и да не...

Македонија21 час

Спречени 3.000 вработувања и унапредувања предложени од техничката Влада

Управниот суд ги поништи решенијата за вработување и унапредување на над 3.000 вработени во Министерството за финансии и јавниот сектор...

Македонија22 часа

Македонската армија ѝ се заблагодари на Норвешка со знамето на Исланд

Од Армијата на Македонија ги измешаа знамињата на Норвешка и Исланд. Во благодарноста на „Фејсбук“ триесетина минути стоеше, наместо норвешкото,...

Македонија22 часа

Приведено уште едно лице за кражбата на сефот во Црниче

Приведено е уште едно лице за кражбата на сеф од маркет во Црниче. Од МВР информираа дека вториот приведен е...

Македонија1 ден

„Рекет“ не е расчистен, барам фер шанса за да ја докажам својата невиност, Заев беше човекот што комуницира директно со сите, вели Бојан Јовановски

Бојан Јовановски, денеска, во Кривичниот суд предаде барање за повторување на кривичната постапка за предметот „Рекет“, во кој како првообвинет...

Македонија1 ден

МОН известило дека деновите на изборите ќе се одработуваат во две саботи, а на 15 јуни и часовите пропшуштени поради самитот на ОБСЕ

Министерството за образование и наука (МОН) ги известило училиштата дека неработните денови на одржување на изборите ќе се одработат во...

Свет1 ден

САД ставија вето на приемот на Палестина во ОН

Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како...

Свет1 ден

Небензја: Америка го крши духот на Палестинците, ги принудува да му се покорат на Израел

САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на...

Македонија1 ден

Мицкоски: Преземам иницијатива за создавање национално единство, и запирање на сите напади кон Левицата и ЗНАМ, државата е одземена од народот

„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО...

Македонија1 ден

Маричиќ: Оваа Влада ги покачи пензиите 50 проценти и ветуваме дека во наредниот мандат просечната пензија ќе биде од 500 евра

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде...