Во два одделни грабежи во Скопје и во Битола, ограбени се пошта и обложувалница, при што крадците го однеле дневниот промет и се ‘збогатиле’ за повеќе од 100.000 денари.

Во вторникот во 12.50 часот во Скопје на ул.„Гоце Стојчевски“ поточно во филијала на „Македонски пошти“ едно непознато лице со закана со огнено оружје од вработената го одзел прометот и го напуштил местото на настанот. Се преземаат мерки за пронаоѓање на сторителот како и целосно расчистување на случајот.

Во Битола пак, утрово во 5.15 часот на ул.„Климент Охридски“,во казино „Слот“ две непознати лица маскирани и вооружени со пушка, извршиле разбојништво над вработената, одзеле сума на пари од околу 100.000 денари, по што го напуштиле местото на настанот. Се преземаат мерки за пронаоѓање на сторителите како и целосно расчистување на случајот./крај/со/бб

Коментари

коментари