Црна хроника
Психијатарка издала лажно лекарско дека пациентот има психички проблеми, а тој бил на одмор во Грција
Психијатарка од Специјалистичка ординација по психијатрија „Медика про менте“ во Охрид, издала лажно лекарско уверение дека пациент, вработен како раководител на градежна оператива во ЈП,,Градски гробишта“ Охрид има психичко проблеми, а тој си бил на одмор во Грција.
На 6 јули оваа година психијатарката го издала лажното уверение и во извештајот констатирала дека пациентот има несоници,висок степен на напнатост,нерасположение.и.т.н. и препорачала неопходно издавање на боледување.
Тоа го направила и покрај тоа што знаела дека конкретниот ден, пациентот не се јавил на лекарски преглед бидејки бил отсутен од државата односно заминал на летување во странство.
Дополнително таа внела невистинити податоци и во амбулантниот дневник каде лажно прикажала дека пациентот се јавил на преглед во специјалистичката ординација „Медика про менте“.
Раководителот врз основа на невистинитиот лекарски извештај, добил предлог за лекарска комисија од матичен лекар со позитивно мислење и оценка на Првостепената комисија при ФЗОМ. Врз таа основа, вака изготвеното невистинито лекарско уверение, пријавениот го употребил кај матичниот лекар и кај комисијата на ФЗОМ за добивање на боледување во период од шести јули до четврти август оваа година.
Од увидот во електронска евиденција, констатирано е дека пријавениот на шести јули годинава, со патна исправа, преку граничниот премин „Меџитлија“ остварил излез од Република Македонија кон Република Грција, а на 22 јули, на истиот граничен премин, регистриран е негов влез во Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Детали за кражбата на сефот во скопско Црниче: 23-годишник е еден од осомничените
Основното јавно обвинителство Скопје поведе постапка против 23-годишник осомничен за кривично дело – Тешка кражба од член 236 став 1 точка 1 од Кривичниот законик.
Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари.
Со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.
Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата соопшти дека работи на откривање на неговите соучесници.
Црна хроника
Казни за 153 возачи во Скопје
Секторот за внатрешни работи Скопје во текот на вчерашниот ден (18.04.2024) продолжи со контролите во областа на сообраќајот.
На територија на град Скопје изречени се вкупно 153 мерки, меѓу кои за возење повеќе од дозволената брзина 28 санкции, 13 мерки за возење без возачка дозвола, 13 санкции за прекршоци што ги прават возачите на мотоцикл, девет мерки за користење мобилен телефон при возење.
Сообраќајните контроли продолжуваат и во наредните денови, најави МВР и апелира до граѓаните да ги почитуваат сообраќајните правила и прописи за посигурни патишта.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.