Црна хроника
Во Скопје 11 сообраќајки, две лица потешко повредени
На подрачјето на Скопје во изминатите 24 часа се случиле 11 сообраќајни несреќи. Од нив во две потешко се повредени еден возач на патничко возило, еден сопатник и еден мотоциклист, а со телесни повреди се здобил друг возач на патничко возило.
Во пет сообраќајки со полесни повреди се здобиле шест лица, а во четири сообраќајни несреќи е причинета материјална штета.
Во текот на изминатиот ден полицијата открила 18 возачи кои не ги почитувале ограничувањата на брзината.
Двајца возачи се исклучени од сообраќај, бидејќи возеле под дејство на алкохол, а четворица поминале на црвено светло, односно не отстапиле првенство на минување на возилата во зона на крстосница.
Деветнаесет возачи возеле со неважечка сообраќајната дозвола или без возачка дозвола.
Со помош на специјалното возило, отстранети се 24 возила.
Одделението за превенција заедно со „Училишната сообраќајна единица“ денеска ќе превземаат превентивни мерки од областа на сообраќајот на подрачјето на Општина Центар, поточно на булеварот „Кочо Рацин“ пред ООУ Димитар Миладинов и на улицата „11 Октомври“ во непосредна близина на Градската болница..крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.