Црна хроника
Загина мотоциклист во сообраќајна несреќа на патот Штип-Кочани
Триесет и деветгодишен жител на Свети Николе загина во сообраќајна несреќа што се случила на патот Штип-Кочани, а во која учествувале два мотоцикла и еден автомобил.
Според информациите на МВР, несреќата се случила вчера во 16.55 помеѓу „фолксваген голф“ со кочански регистарски ознаки, управуван од Ж.Г. (19) од Кочани, во кое имало тројца сопатници, мотоцикл „сузуки“ со светиниколски регистарски ознаки, управуван од В.Ц. (39) од Свети Николе и мотоцикл „хонда“ со бугарски национални ознаки, управуван од В.Ј. (33) и сопатник К.Г. (22), двајцата од Свети Николе.
Од добиените повреди на самото место на настанот починал В.Ц., а В.Ј. и сопатникот К.Г. добиле телесни повреди и се пренесени во Медицинскиот центар во Штип за укажување лекарска помош. Извршен е увид на местото на настанот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.