Црна хроника
Исчезнато двегодишно девојче откако останало да одмори во село Кленоец
Двегодишно девојче исчезнало во селото Кленоец откако роднина го оставил покрај патот бидејќи не можело повеќе да оди пеш.
Настанот се случил во четвртокот, кога В.Ј. (32) од село Карбуница пријавил дека во четвртокот, заедно со неговите две внуки на возраст од шест и две години, се движел по локалниот пат од Кленоец кон село Извор. Во близина на јарболот во Кленоец, двегодишното девојче кажало дека не може да оди понатаму и останала покрај патот, а тој со шестгодишната внука се упатил во селото Извор. По еден час, кога се вратил на местото таа не била таму. Се вратил во куќата во село Кленоец, каде, исто така, ја немало.
Веднаш потоа случајот го пријавил во полиција воИзвор. Од страна на полициски службеници од Кичево било извршено пребарување на теренот, но исчезнатото дете не е пронајдено, а по него се трага и во петок. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.