Црна хроника
Еден ранет и двајца претепани во пресметка во Куманово
Едно лице од Арачиново е рането со четири истрели од пиштол, а двајца од кумановското село Опае се претепани во пресметка што се случила ноќеска во Куманово
Инцидентот, како што соопшти локалната полиција се случил синоќа околу 20 часот пред дискотека „Нота Бас“, каде сопствениците на локалот, двајца браќа од селото Опае биле физички нападнати од четворица од Арачиново, со дрвени стапови и физичка сила.Помалиот брат Л.О.(19) во помош на постариот Г.О (28), кој бил малтретиран и удиран, влегол во дискотеката, се вратил со пиштол и четири пати го застрелал А.Б.(24) од Арачиново, три пати во ногата и еднаш во стомакот.Групата од Арачиново по ова избегала заедно со ранетиот, а сопствениците на дискотеката биле пренесени во локалниот Медицински центар, каде се констатирани тешки телесни повреди, фрактури на раката и телото, по што и двајцата се задржани на лекување, наведува СВР Куманово.Полицијата ја фатила групата од Арачиново на влезот од нивното село. Полицајците го пренеле ранетиот во Градската болница во Скопје, а другите тројца А.С. (20), Д.З.(31) и Ш.М. (34) се приведени.При увидот на местото на инцидентот се пронајдени три чаури, еден проектил, пет куршуми, една рамка полна со муниција 7,62 мм, стапови, но не и пиштолот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
167 санкционирани возачи во Скопје
Секторот за внатрешни работи Скопје вчера продолжи со контролите во областа на сообраќајот.
На територија на град Скопје изречени се вкупно 167 мерки, меѓу кои за возење повеќе од дозволената брзина 16 санкции, 10 мерки за возење без возачка дозвола, 14 санкции за минување на затворен сигнал – црвено светло, девет мерки за користење на мобилен телефон при возење…
Црна хроника
Четири лица искасани од кучиња скитници во Скопје
Четири лица пријавиле во полициска станица дека биле искасани од кучиња скитници вчера во Скопје.
На 26.03.2024 во 12.55 часот во Полициската станица Центар, А.К.(24) од Прилеп пријавил дека на ул.„Орце Николов“ во Скопје бил каснат од куче скитник.
На 26.03.2024 во 13.35 часот во Полициската станица Центар, И.А.(60) од Скопје пријавил дека на ул.„Радњанска“ во Скопје бил каснат од куче скитник.
На 26.03.2024 во 13.50 часот во Полициската станица Центар, В.В.(57) од Охрид пријавил дека во Скопје, на подрачјето на Центар бил каснат од куче скитник.
На 26.03.2024 во 12.45 часот во Полициската станица Аеродром, Д.К.(53) од Скопје пријавила дека на ул.„Беласица“ во Скопје била касната од куче скитник.
Црна хроника
Кумановец измамен од две лица за 800 евра, му кажале дека направиле сообраќајка и му дале лажни дијаманти во замена за пари
Вчера во 14.30 часот во СВР Куманово, 73-годишен маж од Куманово пријавил дека на плоштадот „Македонија“ во Скопје бил измамен од две лица за сума од 800 евра, извести МВР.
„Според пријавеното, лицата му кажале дека направиле сообраќајна незгода и дека им требаат парите за да одат на лекар и за возврат ќе му дадат дијаманти, а откако ќе завршат ќе се вратат и ќе му ги дадат парите. Како што е пријавено, тој им ги дал парите, а тие му дале накит за кој подоцна утврдил дека е бижутерија. Исто така, според пријавеното, лицата не се вратиле, по што сфатил дека е измамен“, соопшти МВР.
Се преземаат мерки за расчистување на случајот.