Црна хроника
Двајца тешко ранети во вооружен инцидент во Теарце
Двајца тетовци се во критична состојба по синоќешниот инцидент во тетовското село Теарце, каде дошло до вооружен напад со автоматско оружје, информираше денеска полицијата
Во критична состојба се 21 и 41-годишно лице, кои првично биле префрлени во болница во Тетово, а потоа и на Ургентниот центар во Скопје.Напаѓачот, во моментов е во бегство, но полицијата има сознанија дека се работи за македонски државјанин, познат под прекарот Лаки, кој има меѓународно криминално досие и бил протеруван од неколку европски држави.На нападот му претходела вербална расправија во текот на вчерашниот ден во кафетеријата „Тифани“ во Тетово, што напаѓачот ја започнал со 21 годишното момче, вработено како келнер во кафетеријата.Откако вработениот го информирал сопственикот, доцна вечерта тие решиле да се упатат кон Теарце и да го побараат напаѓачот за да расчистат околу причините за нападот. Тие биле пресретнати во селото, каде напаѓачот отворил оган врз нивното возило, „мерцедес“ со скопски регистарски таблички.На местото на инцидентот полицијата пронајде фрагменти од чаури бидејќи напаѓачот очигледно се обидел да ги исчисти трагите од пукањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.