Црна хроника
Почина повредениот работник од „Бетон“
Почина градежниот работник од фирмата „Бетон“, кој во вторник тешко се повреди при пад од скеле на стадионот „Филип II“ во Скопје, каде што се гради северната трибина.
Клиниката за анестезија, реанимација и интензивно лекување соопшти денеска дека пациентот вчера попладне им подлегнал на повредите.Работникот, со тешки повреди на главата и крварење во стомакот, во вторникот беше примен на Клиниката каде му беа извршени оперативни зафати, по што тој неколку дена се бореше за живот во многу тешка состојба.Оваа недела двајца градежни работници во Скопје починаа при пад од височина.Покрај работникот на „Бетон“, вчера 30-годишен градежен работник падна од покривот на осумкатница во скопската населба Капиштец. Тој во Ургентниот центар бил донесен со тешки повреди во безживотна состојба, но лекарите сепак успеале да го реанимираат. По неколку часа и тој им подлегнал на повредите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Крадел во викенд-куќа во Берово: уапсен 36-годишен маж
Вчера, во 18.40 часот, во викенд-куќа на улицата Туристичка во Берово, полициски службеници од Полициската станица Берово го лишиле од слобода Б. Ч. (36) од Берово.
Тој бил затекнат при извршување кривично дело тешка кражба од викенд-куќата, од каде што одзел повеќе предмети.
Бил задржан во полициска станица и во службен разговор признал уште едно кривично дело тешка кражба од друга викенд-куќа.
Некои од одземените предмети биле пронајдени и вратени на оштетените граѓани. По комплетирање на случаите, против Б. Ч. ќе бидат поднесени соодветни пријави.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Топ
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.