Црна хроника
Кривична пријава за екс градоначалникот на општина Чашка
Поранешниот градоначалникот на општина Чашка четириесет и четири годишниот С.М заработи кривична пријава за злоупотреба на службената положба и овластување
За рекултивација на старата депонија „Долг рид“ тој како градоначалник одбрал фирма која немала ниту економски најповолна понуда ниту најниска цена. На тој начин ја оштетил општината за 820 илјади денари. Во текот на 2008 година Комисијата за јавни набавки од општина Чашка објавила оглас за прибирање најповолна понуда, на кој се пријавиле три фирми. По отварањето на понудите било констатирано дека фирмата „Бас проект“ понудила 1.498.600 денари, фирмата „Маријас пром“ 680.000 денари додека во понудата на третопријавената фирма „Виана компани“ комисијата констатирала дека нема никаква документација. По извршеното бодирање фирмата „Маријас-пром“, со понуда од 680.000 денари, била избрана како најповолен понудувач, меѓутоа, во записникот било констатирано дека фирмата ја повлекла понудата наводно поради презафатеност со други проекти кои биле распишани во тоа време во општината Чашка.Според портпаролот на СВР Велес Анита Стојковска полициски службеници од Секторот за внатрешни работи Велес веднаш извршиле разговор со членовите на комисијата за јавни набавки и истите им изјавиле дека пријавениот С.М. на ден 16.06.2008 година им рекол дека фирмата „Маријас пром“ ќе ја повлече понудата затоа што не била во можност навремено да ги завршат работите. По ова комисијата без да ја има во предвид изјавата од истиот датум ги завршила сите работи, а екс градоначалникот го извршил изборот. Фирмата „Маријас пром“ била најповолен понудувач, но таа се повлекла и екс градоначалникот ја избрал второрангираната фирма „Виана Компани“. Одлуката ја доставил до директорот на јавното комунално претпријатие ,,Тополка,,. Тој потпишал договор со ,,Виана-компани,, во износ од 1.197.500 денари. На 11.08.2008 година договорот бил дополнет за уште 302.500 денари, односно вкупната сума од двата договора изнесувала 1.500.000 денари. Толку колку што всушност одобрило министерството за животна средина и просторно планирање. Со ова С.М. злоупотребувајќи ја својата функција, овозможил фирмата Виана-компани да се стекне со имотна корист од 820.000 денари, со што за истата сума ја оштетил општината Чашка.Во обвинението на СВР Велес се вели дека екс градоначалникот на Чашка и претходно бил пријавуван за кривични дела против службената должност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсена жена во Гостивар, ограбила продавница
Вчера во 13.15 часот во Гостивар, полициски службеници на СВР Тетово – Одделение за внатрешни работи Гостивар ја лишиле од слобода 47-годишната С.Ѓ., која непосредно пред тоа во трговски објект на улица „Илинденска“ во Гостивар противправно одзела неколку предмети, извести МВР.
Одземените предмети биле вратени во објектот, а по целосно документирање на случајот ќе следува соодветен поднесок.
Црна хроника
Приведен крадец во Кочани, расчистени седум кривични дела
По преземени оперативни мерки и активности, полициски службеници од ОВР Кочани при СВР Штип расчистија седум кривични дела, од кои пет кривични дела „тешка кражба“ и две „тешка кражба“ на дрзок начин извршени на територијата на Кочани од угостителски и продажни објекти и една од физичко лице, извести МВР.
„Поради постоење основи на сомнение дека е сторител на делата, на 27.03.2024 од слобода бил лишен Е.Р.(37) од Кочани. Во службен разговор во полициска станица тој ги признал кривичните дела, а поголем дел од украдените предмети биле пронајдени и вратени на оштетените граѓани“, соопшти МВР.
По целосно документирање на случаите, против него ќе бидат поднесени соодветни пријави.
Црна хроника
Тетовец ја истепал сопругата
Полициски службеници на СВР Тетово, вчеравечер околу 21 часот и 35 минути во Тетово го лишиле од слобода 40-годишниот тетовец М.Е.
Тој претходно бил пријавен од неговата 43-годишна сопруга дека во семејниот дом физички ја нападнал.
Задржан е во Полициската станица Тетово за целосно расчистување и документирање на случајот, по што ќе му биде изготвен соодветен поднесок, соопштија надлежните.