Црна хроника
Радески бара повторно судење
Охриѓанецот Лазе Радески, кој издржува казна доживотен затвор за убиство на тројца дилери на девизи, преку својот правен застапник побарал од Врховниот суд да се одржи ново судење на кое ќе докажел дека не е сериски убиец
Во исказот изнесен пред Врховниот суд минатата недела Радески негирал дека е сериски убиец и тврдел дека признанието врз основа на кое е осуден го дал под присила. Исто така тој тврдел дека не го извршил убиството на двајца од тројцата дилери на девизи. Според обвинението, Радески во 2006 година ги убил Раим Ракип, наредната година го лишил од живот Спиро Ставревски, а во 2008 година го убил и Трајче Цоцески, сите тројца дилери на девизи. Трите убиства биле извршени на сличен начин со употреба на тврд предмет од зад грб.Радески слично како и во текот на судскиот процес кој се водеше во Основниот суд во Охрид, го признал само убиството над Цоцески за кое тврди дека го извршил во самоодбрана. Лазе Радески е прв македонски граѓанин кој е осуден за сериско убиство. Чеканот со кој според судот биле убиени тројцата дилери на девизи од Охрид ќе биде изложен во Криминалистичкиот музеј на Македонија за да сведочи за првиот сериски убиец во државава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.