Црна хроника
Велосипедист прегазен на пешачки
На пладне скопјанец беше прегазен на пешачки премин на раскрсницата кај Комплекс банки. Во него удри автомобил „југо“
Од силниот удар скопјанецот кој беше на велосипед падна на асфалтот. Неколку минути лежеше неподвижен, по што со помош на минувачи беше седнат на коловозот.Минувачите повикаа полиција и итна помош која стигна за 15 –тина минути. Во меѓувреме на скопјанецот минувачите му дадоа вода да се освежи, а му помагаше и жената која го управуваше југото. Таа на присутните им кажа дека велосипедистот наеднаш и се појавил и не го видела бидејќи имало многу пешаци кои веќе го поминале пешачкиот.За тоа време скопјанецот се потсмири од првичниот шок и се пожали дека го боли левата нога. Дојде прва помош да му укаже медицинска нега и полиција да направи увид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.