Црна хроника
Несмасни пиштолџии се саморанија во Гази Баба
Три лица се ранети во пукотница пред интернет-кафе која се случила во понеделник доцна навечер на улицата Христифор Жефаровиќ во скопската населба Гази Баба, на која и претходела вербална расправија
Случајот во полиција го пријавил 36-годишен жител од скопското село Сингелиќ, кој пријавил дека две лица го навредувале додека не дошол неговиот брат, 40-годишник кој ги избркал. По кратко време еден од избрканите се вратил со уште пет роднини. Еден од нив, на 33-години извадил пиштол и со рачката го удрил во глава помалиот брат п ошто започнала масовна тепачка во која поради несмасно ракување, лицето што го излвекло пиштолот самото се ранило во ногата. Пиштолот што паднал на земјата го земал еден 31-годишен учесник во тепачката а бидејќи и тој не знаел да ракува со пиштол се саморанил во стомакато и во ногата. По него еден куршум во ногата добило уште едно од лицата.Првите двајца ранети се префрлени во скопската Градска општа болница, а третиот и еден од нападнатите кој имал телесни повреди биле префрлени во Ургентниот центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.