Црна хроника
Убиство, самоубиство и ранет во Аеродром
Убиство, самоубиство и еден ранет, ова е епилогот од крвавата драма што попладнево се случи во скопската населба Вардар
Скопјанецот, 54-годишен Лазо Стојановски пукал кон четириесет и четиригодишната Сузана Василевска од Агино Село и нејзината мајка Јаготка Василевска, а потоа се самоубил, соопшти МВР Трагедијата се случила пред 16 часот во барака на улицата „Владимир Комаров“ во близина на основното училиште „Браќа Миладиновци“. Сузана веднаш им подлегнала на повредите, а нејзината мајка Јаготка со прострелни рани е префрлена во Ургентен центар.Полицијата се уште ги истражува мотивите за пукањето во населбата Вардар. Не е утврдена ниту врската во која биле убиената и нејзиниот убиец. Според неофицијални информации, едни тврдат дека биле поранешни сопружници, кои воделе судска постапка за развод, а други велат дека Сузана и Лазо биле во љубовна врска.На местото на инцидентот екипи на крим техника извршија увид.Убиената Сузана работела во ресторанот „Пак“ , во сопственост на Лазо што се наоѓа на булеварот „Јане Сандански“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Двајца уапсени, пукале пред кафеана во Охрид
Денеска, во 00.15 часот, пред угостителски објект во охридската населба Чекоштина, полициски службеници од СВР Охрид ги приведоа 67-годишниот К. Б. и 37-годишниот М. П., двајцата од Охрид, извести СВР Охрид.
„Тие претходно го нарушиле јавниот ред и мир со пукање во воздух од пиштол ‘радом’ во калибар од 9 милиметри, сопственост на М. П.“, велат од СВР Охрид.
Пиштолот е одземен и по целосно документирање на настанот, против нив ќе биде поднесена соодветна пријава.
Црна хроника
Нападната и ограбена охриѓанка, со тешки повреди пренесена во болница
Вчера во 10.15 часот во СВР Охрид е пријавено дека, на улицата „Марко Несторовски“ во Охрид, едно лице физички ја нападнало 53-годишната О.Т. од Охрид и ѝ одзел пари, извести СВР Охрид.
„Притоа, таа се здобила со тешки телесни повреди констатирани во болницата „Св.Еразмо“ во Охрид“, велат од СВР Охрид.
За настанот, известен е јавен обвинител и се преземаат мерки за расчистување на случајот.
Црна хроника
Три лица искасани од кучиња скитници во Скопје
Три лица пријавиле во полициските станици во Скопје дека биле каснати од куче скитник во текот на вчерашниот ден, извести МВР.
На 28.03.2024 во 18.45 часот во Полициската станица Аеродром, Л.Ј.(64) од Скопје пријавила дека на пешачка патека во населбата Ново Лисиче во Скопје била касната од куче скитник.
На 28.03.2024 во 12.40 часот во Полициската станица Карпош, М.Ч.(34) од с.Катланово, скопско, пријавила дека на бул.„Митрополит Теодосиј Гологанов“ во Скопје била касната од куче скитник.
На 28.03.2024 во 17.00 часот во Полициската станица Гази Баба, А.Д.(21) од Скопје пријавил дека на ул.„Финска“ во Скопје бил каснат од куче скитник.