Црна хроника
Членови семејството на Христијан му подарија маица со ликот на момчето на градоначалникот на Гази Баба
Членови на семејството на Христијан, тинејџерот кој беше прегазен додека возел велосипед, по протестот во недела отишле во домот на градоначалникот на општина Гази Баба, Тони Трајковски и му подариле маица со ликот на загинатото момче барајќи да се расветли инцидентот.
Протестот се одржа во неделата од 11 до 16 часот во скопската населба „Гоце Делчев“, на регионалниот пат Хиподром-Петровец. Целта на протестот е подигање на свеста на јавноста за безбедноста во сообраќајот како и вреднување на човечкиот живот.
Во периодот од 12.00 до 14.20 часот бил блокиран сообраќајот на наведената локација од страна на околу 350 граѓани. Во 14.30 часот дел од граѓаните си заминале, а околу 10 возила со граѓани се упатиле во населбата Железара каде што живее градоначалникот на Општина Гази Баба.
Околу 60 граѓани протестирале мирно пред влезот на зградата, а неколку од нив заѕвониле на врата од станот каде што живее градоначалникот, при што на членови на неговото семејството на Христијан му дале една маица со ликот на загинатиот Христијан. Во 15.20 часот протестот завршил мирно и без инциденти.
Деветнаесет годишниот Христијан Крстески беше прегазен на 20 септември додека се возел со велосипед по тротоар. Бил прегазен на тротоар од страна на возило со коешто управувал пијан возач./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.