Црна хроника
Фабриката во Сопиште поседувала соодветна дозвола
Компанијта ДПТ ИЦЕМАК ДОО од општина Сопиште, каде во четвртокот се случи немил настан, во кој потешко беа повредени тројца работници, поседувала согласнот за вршење дејност за пиротехнички средства.
Министерството за економија во петокот информира дека веднаш по инцидентот била формирана Комисија која ја провери целокупната документација по предметот и утврди дека ДПТ ИЦЕМАК ДОО поседува согласност на вршење промет на вооружување и воена опрема
Во документацијата друштвото има и Одобрение за производство и промет на пиротехнички производи за временска модификација, забава и обука издадено од МВР на 10.06.2009, согласно Законот за зашита од експлозивни материи и Законот за промет на експлозивни материи; Решение за вршење на дејност – промет на големо со хемикалии во посебен магацински простор, издадено од Министерство за здравство на 17.07.2009, како и Решение за употреба на предметниот деловен објект, издадено од посебно формирана комисија од експерти и претставници од МВР и МО, определена од Општина Сопиште за работилници за производство на пиротехнички производи и администрација.
Тројцата повредени, од кои двајца мажи и една жена на возраст од 27 до 59 години, и натаму се наоѓаат во критична состојба.
МВР информираше дека е извршен увид на местото на настанот и се преземаат мерки за утврдување на причините за настанување на експлозијата. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
78 санкции за брзо возење во Битола
Во период од 13 -19 часот Секторот за внатрешни работи Битола спроведе акциска контрола на територијата на СВР Битола за санкционирање на возила кои се движат со брзина поголема од дозволената, при што санкционирани се 78 возачи.
Од нив 36 возила се на подрачје на Ресен, 16 Битола,15 Прилеп,шест мерки во Македонски Брод, три Крушево и две мерки на подрачје на Демир Хисар.
Сообраќајните контроли продолжуваат и во наредните денови.
Црна хроника
Затвореник им избегал на полицајците додека го запреле возилото на бензинска пумпа
Вчера околу 19.45 часот, при спровод на Р.Џ.(26) од Штип, лице лишено од слобода, од ОВР Неготино до Казнено – поправната установа Затвор Куманово, полициските службеници кои го спроведувале го запреле возилото на бензинска пумпа пред патарината во Куманово, по што Р.Џ. се дал во бегство, информираат од МВР.
Се преземаат мерки за пронаоѓање на лицето и расчистување на случајот.
Црна хроника
Србин претепал скопјанец по недоразбирање во сообраќајот
Во 02.15 часот во Скопје, полициски службеници од Полициската станица Аеродром го лишиле од слобода М.И.(26) од Република Србија, постапувајќи по претходна пријава дека околу 21.15 часот на 28.03.2024 на подрачјето на општина Аеродром во Скопје, по претходно недоразбирање во сообраќајот, физички го нападнал Д.Ј.(21) од Скопје.
Притоа, Д.Ј. се здобил со тешки телесни повреди констатирани во Комплекс клиники „Мајка Тереза“.
По целосно документирање на случајот ќе следува соодветен поднесок.