Црна хроника
Маж и жена повредени при судир на автомобил со воз кај штипско Кадрифаково
Маж и жена од светиниколското село Ерџелија се тешко повредени, откако автомобилот со кој патувале се судрил со воз на пругата во близина на Кадрифаково, штипско.
Во загрижувачка здравстена состојба, со скршеници на градниот кош и сомнеж за внатрешно крварење, жената итно е пренесена на Скопските клиники, додека мажот е задржан во Штипската болница и кај него се констатирани скршеници на двете нозе, пренесува „Старплус“ на ТВ Стар.Како се случила несреќата, треба да утврди истрагата, но повредениот жител на Ерџелија бил професионален возач, и точно знаел како се минува пруга. На пругата кај Кадрифаково, воз минува двапати во денот, но дури и со толку мала фреквенција, пругите се сообраќајно ризични места во овој дел од државата. Ваквата состојба , според возачите е резултат на немањето на соодветна сигнализација. Инаку, пред неполна година, во судир на воз и автобус кај Лозово беа повредени над 30 лица, пренесува „Старплус“ на ТВ Стар./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.