Црна хроника
Момче од Скопје загина во сообраќајка на патот Битола-Ресен
Момче од Скопје загина, а пет сопатници се повредени во сообраќајна несреќа што се случила во понеделникот наутро околу 6.30 часот на патот Битола-Ресен.
Дваесет и шестгодишниот возач од Скопје изгубил контрола и со автомобилот „фиат стило“ со гостиварски регистерски таблици, удрил во заштитните еластични огради од левата и од десната страна и излетал од коловозот.Од здобиените повреди возачот починал на местото на настанот, додека сопатниците Д.К. (24) и В.М. (26) од Скопје, М.Т. (26) и М.З. (21) од Битола и С.Д. (21) од Гостивар, се здобиле со телесни повреди. По укажаната медицинска помош во болницата во Ресен, повредените се префрлени во Клиничката болница Битола. Увид на местото на настанот извршиле Јавен обвинител и екипа од полициската станица Ресен. По наредба на Јавен обвинител, телото на починатиот е предадено на обдукција.Уште една сообраќајка се случила во понеделникот вечерта во 21.15 часот на магистралниот пат Градско – Прилеп. Автобус „темса“ со прилепски регистарски ознаки, управуван од Ж.Б.(55) од Прилеп се судрил со „рено 18“ со прилепски регистарски ознаки, управувано од Е.Е. (54) од Градско. Во незгодата со тешки телесни повреди се здобил возачот на автомобилот кој по укажаната лекарска помош во медицинскиот центар во Кавадарци, и поради сериозноста на повредите е префрлен во Ургентен центар Скопје. Со телесни повреди се здобиле сопатниците од патничкото возило С.Р. (32) и У.И., двајцата од Прилеп. Тие по укажаната лекарска помош во Кавадарци се пуштени на домашно лекување. Увид на местото на настанот извршила екипа од кавадаречката полиција./крај/мф/ффс
Извор: Макфакс архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.