Црна хроника
Монструмот со автомобил го удрил па го задавил девојчето од Суботица
Министерот за внатрешни работи на Србија, Небојша Стефановиќ на прес-конференција потврди дека полицијата го уапсила 34-годишниот Драган Ѓуриќ од белградското предградие Сурчин за кој се сомнева дека е убиецот на 15-годишната Тијана Јуриќ од Суботица.
Министерот за внатрешни работи на Србија, Небојша Стефановиќ на прес-конференција потврди дека полицијата го уапсила 34-годишниот Драган Ѓуриќ од белградското предградие Сурчин за кој се сомнева дека е убиецот на 15-годишната Тијана Јуриќ од Суботица.
Според Стефановиќ, убиецот прво намерно го удрил девојчето со автомобил, а потоа го задавил.
„Нашите надежи дека ќе ја пронајдеме Тијана Јуриќ жива, за жал не се остварија, полицијата вчера го уапси монструмот кој го извршил ова кривично дело“, изјави за медиумите српскиот министер за внатрешни работи, Небојша Стефановиќ.
На прес-конференцијата додаде дека „монструмот Ѓуриќ е приведен, го призна злосторството и полицијата ја одведе до местото на коешто ја закопал жртвата, десетици километри од Суботица“. „Кога го пронајдовме, тој сосема нормално сечеше месо, значи имаме целосно отсуство на каење“, изјави министерот и додаде дека Ѓуриќ веднаш е испратен на полиграфско тестирање при што „паднал на сите прашања“.
Според Стефановиќ, осомничениот девојчето го удрил со автомобил, а потоа почнал да ја удира и да ја дави. Кога ја убил, ја соблекол и ја ставил во багажникот, па ја закопал на ѓубриште и ја прекрил со земја којашто ја имал во багажникот од возилото.
„Моја лична оцена, лично чувство, е дека ми е жал, поради вакво кривично дело, поради ваков монструм, што Србија ја укина смртната казна. Можеби нашето општество не беше подготвено за сите придобивки на ЕУ, како што е укинувањето на смртната казна“, изјави Стефановиќ.
Истакна дека убиецот од претходно и’ е познат на полицијата, бидејќи бил извршител на помали кривични дела, како и тоа дека тој воопшто не ја познавал Тијана Јуриќ.
„Сите луѓе од полицијата коишто работеа на овој случај, длабоко се потресени од нејзиното свирепо убиство. Како родител и министер, сметам дека вакво злосторство заслужува исклучиво најтешка казан“, порача министерот Стефановиќ.
Припадниците на полицијата доцна ноќта во средата го уапсиле убиецот на Тијана Јуриќ, којашто последен пат беше видена на 26-ти јули, малку по полноќ недалеку од Спортскиот центар „Рата“ во Бајмок, покрај Суботица, каде што била на забава со пријатели, а престојувала во посета на бабата и дедото.
На неасфалтираниот дел од патот се пронајдени предмети коишто, според изјавата на мајката, припаѓаат на исчезнатото девојче, а веднаш по исчезнувањето на Тијана во потрага, покрај српската, се вклучија и унгарската полиција, Европол, Интерпол и меѓународниот интернет ресурс посветен на исчезнатите деца во Европа.
На овој случај биле ангажирани повеќе од стотина припадници на српското министерство за внатрешни работи од Суботица, Белград и други места./крај/мф/сн
Извор: Танјуг, РТС,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.