Црна хроника
Најдени остатоците од авионот што се урна кај скопско Катланово
Директорот на Бирото за јавна безбедност, Митко Чавков, во вторникот вечерта за медиумите изјави дека остатоците од авионот се најдени на два километра од селото Кожле и оти полиција веќе го обезбедува местото на несреќата.
Полицијата кај селото Блаце, јужно од скопскиот аеродром „Александар Македонски“ го блокира пристапот кон селата Кожле и Ветерско, каде што се најдени останките од авионот од типот „Пајпер’ со германски регистарски ознаки сопственост на авиоклуб од италијанскиот град Тревизо кој според досегашните сознанија летал за Приштина, а во Скопје требало да наполни гориво.
Екипа на Обвинителството е на терен и врши увид но засега одбиваат да дадат поединости за медиумите.
Авионот со шест патници исчезнал од радарите на Контролната кула на скопскиот аеродром попладнево околу 17,40 часот во вторникот во фазата на слетување. Станува зборува за приватен комерцијален лет од Тревизо, а во Скопје требало да дополни гориво и наводно летал за Приштина.
Во авионот наводно биле двајца италијански и четворица косовски државјани. Според некои медиуми, едно тело е најдено изгорено, а патниците се италијански државјани.
Од СВР Велес потврдија дека примиле телефонска пријава од граѓанин дека слушнал експлозија во близина на селото Кожле, по што биле примени дојави за избувнат пламен./крај/мф/ст
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена истепана од својот вонбрачен партнер во центарот на Скопје
Вчера попладне во 13.00 часот во СВР Скопје, 48-годишна жена пријавила дека на 21.04.2024 околу 00.15 часот на подрачјето на Центар била физички нападната од нејзиниот вонбрачен партнер, 49-годишниот М.М. од Скопје, извести МВР.
По целосно документирање на случајот ќе следува соодветен поднесок.
Црна хроника
Расправија околу сообраќајна незгода заврши со тепачка меѓу двајца скопјани
Вчера попладне во 17.30 часот во СВР Скопје било пријавено дека на подрачјето на Ѓорче Петров, по расправија околу претходно случена сообраќајна незгода, бил нарушен јавниот ред и мир со физичка пресметка помеѓу 60-годишниот В.А. и 34-годишниот М.Ч., двајцата од Скопје, извести МВР.
По целосно документирање на случајот ќе следува соодветен поднесок.
Црна хроника
Во Тетовско, во предизборен молк се лепел пропаганден материјал, полицијата го расчистува случајот
Денеска во 01.05 часот полициски службеници од СВР-Тетово постапиле по пријава дека лица кои биле со патничко моторно возило, во тетовски села, во период на предизборен молк, лепат пропаганден материјал за претстојните претседателски избори, при што во тетовско Синичане биле затекнати Р.Р.(19) и малолетник, двајцата од истото село, како поставуваат пропагандни материјали за кандидат за претседател на претстојните претседателски избори, извести МВР.
Со нив е извршен службен разговор во Полициско одделение-Камењане, известен е јавен обвинител и се преземаат мерки за расчистување на случајот.