Црна хроника
Пијан кичевец прегазил двајца пешаци, едниот починал
Пијан кичевец во средата вечерта со автомобил „опел вектра“ прегазил двајца пешаци, а еден од нив починал на лице место.
Сообраќајката се случила околу 23.45 част на улицата „Прилепска“ во Кичево. Триесет и шестгодишниот возач удрил во двајцата пешаци на возраст од 54 години и избегал од местото на сообраќајката. Едниот пешак починал на лице место, додека другиот со телесни повреди, по укажаната лекарска помош во Медицинскиот центар во Кичево е пуштен на домашно лекување. Возачот и возилото биле пронајдени 45 минути по полноќ.По алкотестирањето на возачот било утврдено присуство на алкохол во крвта од 2,02 промили. Увид на местото на настанот извршиле ЈО и екипа од ПС-Кичево. По наредба на ЈО, телото на починатиот е дадено на обдукција./крај/мф
Извор: Макфакс архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.