Црна хроника
Притвор за гостиварецот осомничен за убиство во Гостивар
Судија на претходна постапка му одреди триесетдневен притвор на осомничениот за убиството што се случи во понеделникот во Гостивар, кој само се пријави во полициска станица.
„Основното јавно обвинителство – Гостивар донесе Наредба за спроведување истражна постапка против лицето за сторено кривично дело Убиство од член 123 од Кривичниот законик. За расветлување на кривично правниот настан веќе се издадени повеќе наредби за вештачење на подигнатите материјални траги и предмети, огненото оружје и возилото на осомничениот“, соопштуваат од Јавното обвинителство во Гостивар.По расправија за сообраќаен прекршок во понеделникoт беше убиен дваесет и шестгодишен гостиварец. Според досегашните сознанија на истрагата, убиениот за време на кавгата извадил метален предет и удрил во возилото на осомничениот, по што тој извадил пиштол којшто го поседувал со дозвола, и во паника почнал да пука кон момчето. Му нанел смртоносна повреда во стомакот, по што момчето почина на скопските клиники./крај/мф/ффс
Извор: Макфакс архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица искасани од кучиња скитници во Скопје
Три лица пријавиле во полициските станици во Скопје дека биле каснати од куче скитник во текот на вчерашниот ден, извести МВР.
На 28.03.2024 во 18.45 часот во Полициската станица Аеродром, Л.Ј.(64) од Скопје пријавила дека на пешачка патека во населбата Ново Лисиче во Скопје била касната од куче скитник.
На 28.03.2024 во 12.40 часот во Полициската станица Карпош, М.Ч.(34) од с.Катланово, скопско, пријавила дека на бул.„Митрополит Теодосиј Гологанов“ во Скопје била касната од куче скитник.
На 28.03.2024 во 17.00 часот во Полициската станица Гази Баба, А.Д.(21) од Скопје пријавил дека на ул.„Финска“ во Скопје бил каснат од куче скитник.
Црна хроника
Во судир помеѓу „бмв“ и мотоцикл, тешко повреден 23-годишник од Скопје
Вчера во 13.30 часот во СВР Скопје било пријавено дека на крстосницата од регионалниот пат Скопје–Тетово и локалниот пат село Сарај–село Глумово се случила сообраќајна несреќа помеѓу патничко возило „бмв“ со скопски регистарски ознаки, управувано од 21-годишниот С.О. од Република Турција, со престој во Скопје и мотоцикл со скопски регистарски ознаки, управуван од 23-годишниот Ф.Ќ. од Скопје, извести МВР.
Во несреќата со тешки телесни повреди се здобил мотоциклистот констатирани во Комплексот клиники „Мајка Тереза“, велат од МВР.
Извршен бил увид од увидна екипа од СВР Скопје.
Црна хроника
Тешко повредена скопјанка, во неа удрил „опел“
Вчера во 12.00 часот во СВР Скопје било пријавено дека на улицата „Јордан Мијалков“ во Скопје, патничко моторно возило „опел“ со скопски регистарски ознаки, управувано 38-годишниот Ј.К. од село Марино, општина Илинден, удрило во пешакот, 64-годишната М.Г. од Скопје, извести МВР.
– Во несреќата со тешки телесни повреди се здобила М.Г. констатирани во Градската општа болница „Св.Наум Охридски“, соопшти МВР.
Извршен бил увид од увидна екипа од СВР Скопје.