Црна хроника
Скопјанец претепан и оставен пред казино без свест
Петмина напаѓачи, од кои двајца носеле униформи на агенција за обезбедување, во четвртокот околу 15 часот претепале жител на скопското село Рашче во кафе бар во трговскиот центар Лептокарија.
Како што пријавил нападнатиот, тој и ќерка на негов пријател отишле во кафе бар во Лептокарија за да разговараат за вработување. Додека стоеле на летната тераса, во кафе барот влегле три лица, кои нападнатиот ги идентификувал, заедно со двајца обезбедувачи.Без повод и причина почнале да го удираат со тупаници и пендреци во пределот на главата и телото. Кога паднал на земја без свест продолжиле и со клоци да го удираат по целото тело. Потоа го изнеле од кафе барот и го однеле зад едно казино. Кога пристигнале полициски службеници на местото на настанот повикале Брза помош, која го пренела триесет и едногодишниот скопјанец во Ургентен центар, каде му биле констатирани повреди во пределот на главата, телото и десната нога. Направен е записник и се преземаат мерки за целосно расчистување на случајот.Ноќеска во Ургентниот центар со тешки телесни повреди бил примен уште еден дваесет и седумгодишен скопјанец кој, исто така, бил претепан во трговскиот центар Чаирчанка. Полицијата работи на расчистување и на овој случај./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тројца скопјани искасани од кучиња скитници
МВР извести дека изминатиот ден тројца скопјани пријавиле каснување од куче скитник, во полициските станици.
На 23.04.2024 во 17.30 часот во Полициската станица Центар, 34-годишната Д.С. од Скопје пријавила дека во населбата Маџир Маало во Скопје, нејзината малолетна ќерка била касната од куче скитник.
На 23.04.2024 во 14.45 часот во Полициската станица Карпош, 44-годишната И.Ф. од Скопје пријавила дека на улицата „Митрополит Теодосиј Гологанов“ во Скопје била касната од куче скитник.
На 23.04.2024 во 11.55 часот во Полициското одделение Сарај, 70-годишниот А.П. од Скопје пријавил дека кај Спортско рекреативен центар „Сарај“ бил каснат од куче скитник.
Црна хроника
Уапсен прилепчанец, побегнал од затворот во Куманово
Вчера во 20.30 часот во Велес, полициски службеници од СВР Велес го лишиле од слобода 29-годишниот Е.М. од Прилеп, извести МВР.
„Тој бил баран со централна потерница врз основа на наредба од Казнено – поправната установа Затвор – Куманово, поради бегство од затворот“, соопшти МВР.
Лицето било спроведено во установата за доиздржување на затворска казна од една година, три месеци и седум дена.
Црна хроника
Уапсен Турчин на Деве Баир, на увид дал фалсификувани документи
Вчера во 20.25 часот на Граничниот премин Деве Баир, полициски службеници го лишиле од слобода 44-годишниот М.Д. од Република Турција, кој управувал товарно возило „мерцедес“ и полуприколка со турски национални ознаки, поради тоа што при извршена пасошка контрола и проверки било констатирано дека двете меѓународни зелени карти за осигурување биле фалсификувани, извести МВР.
Тој бил предаден на полициски службеници од Полициската станица Крива Паланка за понатамошна постапка.