Црна хроника
Старец кој бил прегазен во сообраќајка починал во Домот во Прилеп
Старец кој на почетокот на месецов бил прегазен во сообраќајна несреќа починал во Домот за стари лица во Прилеп.
Седумдесет и шестгодишниот кавадарчанец беше прегазен во сообраќајна несреќа што се случила на 6-ти октомври во Кавадарци.Автомобил „југо“ со којшто управувал четириесет и двегодишен кавадарчанец го удрил пешакот.По незгодата старецот бил пренесен во ЈЗУ Кавадарци, од каде бил префрлен во Клинички центар Битола. По оперативните зафати истиот бил пренесен да престојува во Дом за стари лица „Киро Крстески Платник“- Прилеп, каде на 23 октомври во 14 часот починал.По наредба на Јавен обвинител на 24 октомври во Општа болница Прилеп, над телото на починатиот била извршена обдукција, по што телото било предадено на семејството за погреб./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Почина затвореник во Идризово
Вчера во 19:15 часот во СВР Скопје, од Казнено поправна установа Идризово Скопје било пријавено дека Р.Ф.(52) од с.Речане-гостиварско (осудено лице) починал, а лекар од Итна медицинска помош констатирал смрт без видливи знаци на насилство.
Извршен бил увид од увидна екипа од СВР Скопје.
По наредба на јавен обвинител телото на починатиот било предадено на обдукција.
Црна хроника
Украден сеф со пари од продажен објект во Карпош
Во 03.20 часот во СВР Скопје било пријавено дека во продажен објект на подрачјето на Карпош, од страна на непознати сторители, со употреба на физичка сила било влезено и одземен бил сеф со пари.
Се преземаат мерки за расчистување на случајот.
Црна хроника
Со трактор излетал од коловоз, тешко повреден маж во Виничко
Вчера, во 17 часот, во Полициската станица Виница било пријавено дека во село Трстија, Виничко, трактор „фергусон“, со штипски регистарски ознаки, управуван од 63-годишниот С. Ј. од село Нов Караорман, општина Карбинци, излетал од коловозот, извести МВР.
„Во несреќата тешки телесни повреди добил возачот, констатирани во Клиничката болница во Штип“, соопшти МВР.
Извршен бил увид од екипа на ОВР Виница.