Црна хроника
Во судирот со мигрантите повредени 18 полицајци, двајца потешко
Вкупно 18 полициски службеници биле повредени во саботата на јужната граница во судирот кој го иницираа мигрантити со фрлање на камења кон полицискиот кордон.
Според официјалните податоци, двајца полицајци се здобиле со потешки телесни повреди во пределот на главата и еден од нив со потрес на мозок.
Сите повредени полицајци се хоспитализирани во медицинскиот центар во Гевгелија, Во инцидентот биле демолирани и неколку полициски и армиски возила и штитови.
Состојбата во моментов е нормализирана, соопшти МВР.
Инцидентот започна околу 13.30 часот на граничната линија кај кота 59, од страна на мигрантите кои се наоѓале на грчка страна на граничната линија Грција – Македонија.
Мигрантите почнале да фрлаат со камења кон полициските службеници со цел пробивање на полицискиот кордон и влез на македонска страна.
Причина за ваквата реакција на мигрантите е тоа што македонската армија започна со поставување на метални столбови и подигнување на ограда. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.
Црна хроника
Тетовец агресивно се однесувал со полицаец што вршел обезбедување на претседателските избори
Вчера, во 18.45 часот, полициски службеници од СВР Тетово пред влезот на основно училиште во Тетово го привеле Ѓ. Ј. (37) од Тетово затоа што агресивно се однесувал кон полициски службеник што вршел обезбедување при одржувањето на претседателските избори.
По документирање на случајот, ќе следува соодветен поднесок.