Белгија ја предупредила Франција дека Абу Јусуф планира терористички напад

Белгија ја предупредила Франција дека Абу Јусуф планира терористички напад

Француските разузнавачки служби уште еднаш потфрлиле и дозволиле да се случи терористички напад, пренесе Б92. Во четвртокот, во центарот на Париз, еден полицаец беше убиен, а двајца се тешко ранети во терористичкиот напад. Одговорноста за нападот ја презеде Исламската држава (ИД).

„Извршител на нападот на Елисејските полиња во центарот на Париз е Абу Јусуф, Белгиец и тој е еден од борците на Исламската држава“, се наведува во соопштението на медиумската мрежа Амак која е блиска до ИД, пренесе агенцијата АФП.

За разлика од претходните напади на ИД, овој бил насочен директно кон припадници на безбедносните сили, еден го загуби животот, а двајца биле тешко ранети.

Белгиските служби во четвртокот на своите француски колеги им ја проследиле информацијата дека Јусуф ел Осри тргнал од Белгија кон Париз.

„Проблемот-Ел Осри Јусуф (17/6/1981) е на пат кон Париз. Драги колеги, полицијата во Антверпен има информации за едно лице кое има досие во нашата служба. Тоа лице купило билет во Тали и во шест часот ја напуштило Белгија. Ви испраќаме фотографија. Поздрав“, се наведува во пораката на белгиската разузнавачка служба.

Непосредно по објавувањето на информацијата дека на Елисејските полиња, на патот кој води до Триумфалната порта, на булеварот кој е еден од најпрометните во светот се случил терористички напад, медиумите објавија дека „извршител на нападот е лице за кое постојат разузнавачки информации“.

Комплетна конфузија во хаосот кој настанал предизвика и информацијата дека полицијата не е сигурна дали во нападот учествувал еден или повеќе напаѓачи.

Идентитетот на лицето кое е застрелано од полицијата не е објавен, но се појави фотографија на белгискиот државјанин, со непотврдени информации дека тој му помагал на напаѓачот и дека полицијата трага по него.

Дилемите ги реши медиумската мрежа Амак која е блиска до ИД, дека борец на оваа терористичка организација го извршил нападот.

Ел Осри со овој напад ја продолжи црната серија која ја имаат белгиските државјани во Франција и постои голема веројатност дека има блиски врски „во срцето на ИД во срцето на Европската унија“ квартот Моленбек во Брисел. Од овој кварт потекнуваат најголем број од терористите кои изминатите неколку години усмртија стотици луѓе во Франција.

Инаку во ситуацја кога Франција се наоѓа во вонредна состојба за три дена во државата ќе се одржат претседателските избори. крај/мф