(Видео) БиХ без шанси за пласман на Мундијалот, Шведска броеше до осум

(Видео) БиХ без шанси за пласман на Мундијалот, Шведска броеше до осум

Фудбалската репрезентација на Босна и Херцеговина загуби од Белгија 3:4 (2:1), во претпоследното коло во Х групата, во кавлификациите за пласман на Светското првенство. По овој пораз БиХ има минорни шанси да стигне до баражот за пласман на Мундијалот, бидејќи Белгија уште во минатото коло го обезбеди првото место во групата. Во вториот натпревар од оваа група Гибралтар загуби од Естонија 0:6. Еден меч е одигран и во А групата, Шведска го декласира Луксембург со 8:0.

БиХ против Белгија имаше водство на полувреме, потоа и нерешен резултат во 82.минута, но на шест минути до крајот играчот на мечот Јаник Караско го постави конечниот резултат. Покрај голот Караско беше асистент за вториот и третиот гол на Белгија.

Муние во раната фаза на мечот, во четвртата минута го отвори резултатот, но до крајот на полувремето БиХ преку Медуњанин и Вишча направи пресврт. Во вториот дел, пресврт прави Белгија, Батшуаи израмни на 2:2, а Вертонген погоди за предност 3:2.

Резултатот потоа го израмни Ѓумиќ во 82.минута, а две минути подоцна Караско ги постигна конечните 3:4.

Белгија во оваа група има 25 бодови, БиХ е втора со 14, а трета со натпревар помалку е Грција со 13 бодови.

Во вториот меч од оваа група Естонија славеше над Гибралтар 6:0. Хет трик постигна Тамн, а по еден гол постигнаа Лутс, Каит и Зенјов.

Шведска, до завршувањето на дуелот Бугарија-Франција, ќе биде лидер во А групата. Швеѓаните го декласираа Луксембург 8:0. Четири гола постигна Берг, два Гранквист, а по еден Лустинг и Тоивонен. н.ц.

фото/avaz.ba