Контакт

Daily news

(Видео) Отворен првиот фонд за жени кои ја напуштаат насилната семејна средина

Објавено пред

Националната мрежа притив насилство врз жените и семејно насилство го отвори првиот фонд за парична помош на жени жртви на насилство кои сакаат да ја напуштат насилната средина. Отворањето на фондот е во рамките на одбележувањето на 25 ноември – Меѓународен ден на борба против насилство врз жените, а неговото промовирање ќе биде дел од шеснаесетдневната кампања за активизам против насилство врз жените.

„Идеја за формирање на фонд постои одамна, тоа е формирање на интервентен женски фонд кој што ќе дава иницијална поддршка на жените кои што преживеале насилство и кои што сакаат да излезат од тој насилен круг. Оваа година, 2017, за осми март, Националната мрежа доби донација од Општина Центар, од тогашниот градоначалник Андреј Жерновски, во износ од 90.000 денари. Оваа донација ние решивме да биде првата донација за фондот и со неа да го отвориме“, вели Елена Димушевска, извршна директорка на Националната мрежа.

dobivaj vesti na viber

Изминатитве месеци во Националната мрежа работеле на утврдување критериуми за тоа кој би можел да добие средства од фондот. Утврдиле основен критериум да биде жената да е жртва на насилство која сака да ја напушти насилната средина. Иницијалната помош треба да и помогне за обезбедување на медицинската документација, за извештаи од специјалисти за повредите и за ангажирање адвокат до моментот на добивање бесплатна правна помош, како најитни мерки за жената да излезе од домот.

Фондот е планирано да се полни од донации. Со него ќе раководи Управниот одбор на Националната мрежа кој ќе има обврска да дава известувања за потрошените средства.

Националната мрежа за полнење на фондот ќе упати повик до локалната самоуправа, до приватни фирми и до сите физички лица. Се надеваат на успешна соработка со новоизбраните градоначалници од кои многумина, пред изборите потпишаа заложба за помош на жени жртви на насилство.

„Ние се надеваме дека доколку градоначалниците сметаат дека можат дел од својот буџет да донираат во овој фонд би било одлично, но она што тие го потпишаа како јавна заложба, се однесува на нешто многу поконкретно, односно отворање на сервиси. Овој фонд е за директна поддршка на жени и нивно помагање во процесот на напуштање на средината. Она што ние со градоначалниците го договараме е отворање на сервиси во смисла на отворање на шелтер-центар, кризен-центар и се надеваме дека секој градоначалник ќе одвои од буџетот за да можат овие сервиси да бидат одржливи на подолг период, да не биде секоја година нивното функционирање да биде ставено под знак прашалник“, вели извршната директорка Димушевска.

Нови сервиси за жртвите во 2018 година

Националната мрежа има интензивни состаноци со градоначалниците на кои се утврдуваат мерките за заштита на жените жртви на насилство кои би се преземале во 2018 година.

„Се уште немаме никаква најава и не би било во ред да соопштувам како течат разговорите. Мислам дека ќе има промена. Од сите оние градоначалници кои беа избрани на овие локални избори, поголемиот дел од нив ја потпишаа заложбата. Јас се надевам дека кога еден човек ќе се заложи за нешто, понатака ќе направи напор да ја исполни својата заложба. Засега имаме позитивен фитбек од скопскиот регион, со другите се уште сме во процес на договарање на средба затоа што пред кратко време завршија изборите и мораме да оставиме простор. Се надеваме дека до крајот на годината би оствариле барем една средба со сите градоначалници за да видиме што може да се прави понатаму“, вели Димушевска.

Во преговорите за отворање сервиси за жени жртви на насилство Димучевка вели дека ќе ги вклучат и градоначалниците кои не потпишале заложба за помош, за да не бидат исклучени од процесот.

Голем недостаток во настојувањето да се превенира семејното насилство, Димушевска вели дека е тоа што никој не води статистика за жените жртви на насилство. Оваа состојба треба значително да ја смени ратификацијата на Истанбулската конвенција, за што Парламентот веќе се подготвува.

Од одбележувањето на Меѓународниот ден за борба против насилство врз жени на Плоштад Македонија во 2015 година

Од 54 убиства на жени 51 се фемициди во последните осум години

Националната мрежа прави своја статистика за жртвите, врз однова на објавите во медиумите, а во тек е анализа на фемицидите- убиствата на жени затоа што се жени, кои не се издвоени од останатите убиства.

„ Утврдивме дека медиумите известиле за нешто повеќе од осумдесет отсто од убиствата на жени кои се случиле во Македонија. Тие информации ги користевме за да се обратиме до судот, да ни даде увид во предметите за да можеме да видиме што всушност се случило, дали имало пријава, дали имало некаква мерка превземено, дали убиството се случило без претходно да имало некакво насилство и не интересираше казната која што е досудувана на сторителите. Финалните податоци и финалните наоди од анализата ќе бидат објавени на десетти декември, за крај на кампањата против насилство врз жените. Она што засега можеме да го кажеме како бројка е прилично загрижувачки затоа што во овој период кој што ние го анализираме од 2008 година до 2016 година, има вкупно 70 убиства на жени. 54 успеавме да ги идентификуваме, а од овие 54 убиства  51 се фемицид. Тоа значи дека имаме 51 жена која што можеби можела да биде заштитена, доколку соодветно се реагирало“, вели Димушевска.

 

Семејното насилство се уште не се пријавува поради срам од околината

 

Во анализата на фемицидите, Нациналната мрежа открила податок кој и за нив бил изненадувачки. Во најголем дел од убиствата, немало пријава за насилство. Судските записници откриле дека сепак за насилството знаело потесното семејство, но молчеле.

„Значаен дел од овие убиства никаде не се претходно пријавени како случаи на насилство. Она што ние дополнително го дознаваме од увидот во предметите е дека потесното семејство во исказите кажува дека постоело насилство, но молчеле и жртвата не сакала да го пријави заради несигурност каде ќе оди, заради срам од заедницата особено во помалите места. Главно се работи за жени кои не биле финансиски моќни да можат да ја напуштат заедницата и подоцна сами да продолжат заедно со децата да функционираат и да живеат во една поздрава околина“, вели Димушевска.

Судските записници откриле дека сепак за насилството знаело потесното семејство, но молчеле.

Државата да предвиди станови за жени жртви на насилство

Од анализата на фемицидите Националната мрежа веќе донела еден заклучок кој се однесува на домување за жртвите кој ќе биде изготвен и како препорака.

„Државата мора да предвиди домување за овие жени. Ние можеме да зборуваме и за шелтри и за психо-социјална помош и за бесплатна правна помош, но се додека жената не е сигурна дека ќе има кров над глава, таа нема никогаш да замине. Земајќи ја во предвид просечната плата во Македонија и просечната висина на киријата за стан, дополнителните режиски трошоци и она што е потребно за децата, многу е мал бројот на жените што можат да го издржат тој трошок. Доколку станбеното прашање им биде решено ќе имаме повеќе пријави на семејно насилство и насилство од интимен партнер и верувам дека во тој случај ќе има повеќе можности да се заштитат, зошто нема заштита ако насилството не се пријави“, рече Димушевска.

Нема шелтри за жртви со попреченост

На 10.000 жени треба да има по минимум еден кревет во сместувачки капацитет за жени жртви на насилство. Македонија на национално ниво е далеку под овој стандард.

„Ние имаме 30-35 кревети на национално ниво, но она што е загрижувачки е што ни еден од овие сервиси што се постоечки, не е прилагодени за жени со попреченост. Тоа значи дека жена со попреченост, доколку пријави насилство државата нема како да ја заштити. Шелтрите се наоѓаат на простор што е непристапен за жена со физички инвалидитет. Дури и да се однесе жената таму, просторот внатре не е прилагоден, нема да може да се движи, нема прилагодени тоалети. Тоа е прв чекор кој што мора да го направиме. Дали ќе ги прелоцираме постоечките, дали ќе ги разгледаме можностите да се направат тие пристапни, не смееме да си дозволиме една цела група на граѓани која што не е мала да биде без заштита“, вели Димушевска.

Токму заштитата на жените со попреченост, во следните денови од кампањата за борба против насилство, ќе биде фокус на Националната мрежа. Најавени се промоции на брошури и упатства за жени со различни видови попреченост.

(М.И.П.)

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија7 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија7 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија9 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија10 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија11 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија13 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ14 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија14 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија14 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија17 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет17 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет17 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија17 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион18 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет18 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет18 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија2 дена

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...