„Виз Ер Скопски маратон“ го отвори пријавувањето за 2018 година

„Виз Ер Скопски маратон“ го отвори пријавувањето за 2018 година

Организаторите на „Виз Ер Скопски маратон“ ја започнаа организацијата на еден од најмасовните и најпопуларни спортски настани во Македонија и пошироко.

Датумот на одржувањето на маратонот е 6 мај 2018 година, а од денеска, 14 септември, со почеток во 10.00 часот официјално започнува и пријавувањето на учесниците. Секој кој ќе се пријави во првите четири дена, до недела, 17 септември, ќе може да си го одбере својот омилен стартен број.

Пријавувањето и регистрацијата за „Виз Ер Скопски маратон 2017“ ќе може да се изврши преку официјалната веб-страница, www.skopskimaraton.com.mk, како и преку партнерот за онлајн регистрација на „Виз Ер Скопски маратон“, www.smartrace.club.

Во организација на Сојузот на спортови на Скопје, покрај „Женска трка“ и „Виз Ер Скопски маратон“, заедно со Атлетски клуб Работнички се подготвува најновото спортско изненадување со трката „Скопје трча 10 км“ (Skopje Run 10K) која ќе се одржи на 8 октомври 2017 година. Повеќе детали за оваа трка може да најдете на www.skopje.run.