Мароканското чудовиште од Лох Нес се врати дома

Мароканското чудовиште од Лох Нес се врати дома

Скелет од морски диносаурус стар 66 милиони години, кој во февруари бил повлечен од најавена аукција за продажба во Париз, вратен е во Мароко и предаден на Министерството за рударство и енергетика.

Скелетот на плезиосаурус, наречен „Зарафасаурус океанис“ потекнува од централниот дел од Мароко. Мароканските здруженија се посомневале дека се работи за криумчарење и ја нарекоа аукцијата кражба на “единственото национално наследство“.Како што пренесуваат медиумите, Мароко ќе поднесе жалба поради илегално ископување и криумчарење на фосили и кршење на мароканските прописи и закони.

Скелетот е наречен “редок фосил“, а се претпоставува дека животното на кое му припаѓа скелетот, пливало како “чудовиштето од Лох Нес“. На аукцијата било проценето на 450 илјади евра.крај/мф