Марјан Ристевски влегол во џамија за гласови

Марјан Ристевски влегол во џамија за гласови

„Во екот на изборната кампања за овие локални избори, Марјан Ристески влезе да моли за гласови во џамијата во населбата ‘Тризла 2’ во Прилеп, а граѓаните му свртеа грб.

Лицемерието на Марјан Ристески и ВМРО-ДПМНЕ го препознаа сите граѓани на општина Прилеп. По сите навреди за Ромите што ги слушнавме во ‘бомбите’ и негрижата за овие наши сограѓани во изминативе 12 години власт на Марјан Ристески, граѓаните Роми со право му вртат грб.

Марјан Ристески 12 години ги лаже овие наши сограѓани од населбата ‘Тризла2’, особено граѓаните што живеат во „Три багреми“ и „Мексико“, кои ги остави без чиста вода, без струја, без канализација, без улично осветлување, без основни услови за живот.
За овие наши сограѓани, Марјан Ристески не е добредојден ниту во џамијата.

Новата локална власт, на чело со Илија Јованоски, по 15 октомври ќе започне со итно решавање на приоритетните проблеми на граѓаните од населбата ‘Тризла 2’ во Прилеп.Ќе имаат вода за пиење, ќе имаат превоз за своите деца, ќе имаат квалитетно улично осветлување, хигиена во населбата и ќе имаат струја.

Со посебен проект, за овие наши сограѓани ќе се изнајде сигурно станбено решение, така што наместо картонски бараки, ќе имаат сигурен дом“, стои во соопштението на СДСМ Прилеп.