Собир за чесни избори во Белград

Собир за чесни избори во Белград

Во центарот на Белград вечерва започна собирот „За чесни избори“ во организација на Движењето на слободните граѓани (ПСГ) на Саша Јанковиќ со цел да се создадат услови за одржување фер и  слободни избори. Протестантите се собрани на Плоштадот на Републиката со знамиња на Србија и на Движењето на слободните граѓани, како и со голем транспарент на кој пишува „Против изборна измама“, што е мотото на собирот. Меѓу нив се лидерот на Движењето, Саша Јанковиќ, претседателот на Социјалдемократската партија, Борис Тадиќ, и поранешниот претседателски кандидат, Вук Јеремиќ.

Движењето на слободните граѓани претходно најави дека ќе се соберат за да кажат гласно „не“ на  пегланите листови, бугарскиот воз, на фантомките, на лажното населување, на заканите, разните уцени, отпуштањата од работа…“, односно сè што го загрозува одржувањето слободни и фер избори.