МАКФАКС

Србија: Ќе се менува раководството на РТС поради „необјективното известување“ за протестите

Србија: Ќе се менува раководството на РТС поради „необјективното известување“ за протестите
17.04.2017, 10:53

 

Српскиот министер за труд Александар Вулин најавил дека ќе побара смена на раководството на државната телевизија РТС, со објаснување дека јавниот сервис не известува објективно за протестите во Белград и Србија, пренесуваат српските медиуми.

 

Вулин за ТВ Пинк изјавил дека за ова ќе разговара со коалициските партнери и дека на седница на Владата, како нејзин член, ќе побрака смена на врвот на РТС.

 

Тој оценил дека раководството на РТС не треба да се „плаши од протестите“ и дека државната телевизија не известува објективно за протестите кои се случуваат во Белград и градовите ширум Србија.

 

„Ако има сто луѓе, тогаш тоа се сто луѓе, а не илјада, и за тоа да има прилог од три минути“, рекол Вулин, запрашувајќи „зошто РТС не е реформиран“, оценувајќи дека раководството на телевизијата не треба да им се додворува на оние кои сакаат да ги сменат./крај/мф/бс

 

 

Поврзани написи

Макфакс е-билтен

Email *