МАКФАКС

СЈО пред Велигден поднело обвинение против Талески за „Транспортер“

СЈО пред Велигден поднело обвинение против Талески за „Транспортер“
19.04.2017, 16:13

 

Специјалното јавно обвинителство го поднело обвинителниот акт за случајот „Транспортер“, во кој првоосомничен, односно сега првообвинет, е актуелниот градоначалник на Битола, Владимир Талески, кого СЈО го товари за злоупотреби со превозот на ученици во Битола, тешки 360.000 евра, потврдија за „Макфакс“ од СЈО.

Од СЈО за Макфакс додаваат дека обвинителниот акт до Кривичниот суд – Скопје бил поднесен пред велигденските празници. За предлогот сега треба да одлучува Совет за оценка на обвинителниот акт, по што, доколку биде одобрен, треба да биде закажано судење. Ова е прво обвининие на СЈО по редовна постапка, бидејќи претходните две беа поднесени како обвинителни предлози, односно по скратена постапка.

Специјалното јавно обвинителство случајот „Транспортер“ го отвори на 14 април минатата година, и во него, покрај Талески, за злоупотребите со превозот на ученици во Битола, се осомничени уште 22 лица. Инаку, ова е трето обвинение што го поднесува СЈО, по оние за насилствата пред Општина Центар од јуни 2013 година и за случајот „Тврдина“.

Васко Маглешов

Поврзани написи

Макфакс е-билтен

Email *