Контакт

Случај Масин

Чија рака го држела ножот што ја усмрти докторката Јелка Масин?

Објавено пред

Обвинителството сè уште не излегува со детали дали докторката Јелка Спасовска-Масин е убиена или се самоубила. „Макфакс“ од свои извори во МВР дознава дека сакаат случајот да го затворат како самоубиство, иако Обвинителството сè уште истражува, а наодите од Судска медицина не наведуваат прецизно за таков исход. Ниту Обвинителството не може да одреди сè уште дали е убиство или самоубиство – досегашните докази не даваат сигурен исход ниту за една варијанта.

dobivaj vesti na viber

Деталите од истрагата до кои дојде „Макфакс“ говорат дека целата ситуација е нејасна и не е направен максимален напор да се открие како настанала смртта кај докторката. Засега е најблиску сценариото што Јавното обвинителство планира да го направи, односно дека се работи за самоубиство, при што докторката наводно трипати сама си забола нож во пределот на вратот, на задниот дел од главата. Според неофицијалните информации, докторката Спасовска-Масин првин еднаш си го забола ножот, а веднаш потоа си нанела убод од 4 сантиметри, за и покрај тоа, да си нанесе трета рана со убод од 12 сантиметри.

Студиите и анализите направени за самоубиства со самоубодни рани покажуваат дека ова го има само кај 1,6 отсто од целата популација, а тие биле последица на трауми. Но, смртноста од вакви рани е екстремно ниска и е само кај машката популација. Лицата што извршуваат самоубиства претпочитаат безболна смрт. Најчестите обиди за самоубиство се со бесење и труење. Според повеќе студии, убодувањето со нож е еден од најчестите начини за убиство. Ниту една од анализите не покажува случаи ниту можност за самоубиство со убод во пределот на вратот.

Според информации на „Макфакс“ од лица во истрагата, тенденцијата на Основното јавно обвинителство е да го затвори овој случај како „успешно решен“, односно како самоубиство, иако по шест месеци има многу нејасни моменти, кои не се поклопуваат со реалната слика што била затечена вечерта кога било пронајдено мртвото тело на докторката. Беживотното тело на докторката беше пронајдено на 9 мај, а шест месеци подоцна не се собрани и земени превид сите докази и факти, велат познавачите на оваа материја, кои додаваат дека не е направн сериозен напор да се дојде до вистината.

Никој од крвното сродство од страна на докторката Јелка Спасовска-Масин досега не бил повикан на разговор во полицијата.

К. Ландов

Случај Масин

(Видео) Случај „Јелка Масин“ – ќерката воопшто не била повикана на разговор во Обвинителството

Објавено пред

Освен сопругот, ниту еден член  од потесното семејство, во крвно сродство со починатата лекарка Јелка Спасовска-Масин не бил повикан на разговор во Обвинителството, тврди за „Макфакс“ нејзината ќерка. Револтирани се од начинот на кој е водена истрагата, како и од фактот дека никој од МВР ниту од Обвинителството не ги повикал да им соопшти дека случајот ќе го затворат како самоубиство.  Велат дека  ќе бараат и дополнителна истрага.

dobivaj vesti na viber

– Изминативе месеци се сретнавме со обвинителката Валентина Бислимовска само двапати, и тоа на наше инсистирање. Бараме повторно средба, а дополнително контактираме и форензичари од странство. Има многу недоречености. Фотографиите што ги видовме од Судска медицина не соодветствуваат со тоа што сега го изјавуваат од Обвинителството,  вели ќерката на починатата лекарка Јелка Масин.

Според информациите на „Макфакс“, на фотографиите од обдукцијата на телото недостасува дел од прстот, а за семејството сомнеж предизвикува и позицијата на телото во која била пронајдена познатата лекарка и професорка на Медицинскиот факултет. Дополнително, најблиските се сомневаат во верзијата за самоубиство и поради однесувањето на Јелка, кое со ништо не алудирало на тоа дека таа планирала да си го одземе животот.

Во оваа насока, мислењето на дел од невропсихијатрите е дека случаите за кои има сомнеж дека се работи за самоубиство треба да се анализираат подетално, или да се направи психолошка аутопсија и да се вклучат психијатри во форензичкиот тим, како што  препорачува невропсихијатарот Мице Дудучки. За случајот со смртта на лекарката Јелка Масин, кој вчера Обвинителството соопшти дека е затворен како самоубиство, д-р Дудучки вели дека треба да се направи психолошка вивисекција и да се анализираат настаните кои ѝ претходеле на смртта за да се отстранат сите сомнежи.

– Овде се поставува прашањето за извршување  психолошка аутопсија . Кои се мотивите за  една солидна личност, која пред тој настан била здрава и успешна, претстоеле убави моменти како мажење на ќерката и подготовка на стручни трудови, и зошто во таква ситуација една личност би извршила обид за самоубиство или успешен суицид?

Во земјите во кои форензичката наука е понапредната, а особено кај самоубиствата, во форензичкиот тим се вклучени форензички психијатри. Кај нас нема таква пракса, а би требало да има. Самата анализа на случајот треба да биде со научен пристап од повеќе аспекти: емоционални, психолошки, соматски, социјални, со тоа ќе се склопат сите коцки од мозаикот за да дадеме одговор кој ќе биде стручен објективен и кој нема да остави место за сомнеж кај кого било, особено кај семејството, оти  веројатно некои факти наведуваат на поинакви размислувања, вели Дудучки.

Основното јавно обвинителство вчера соопшти дека надлежниот јавен обвинител кој постапувал во предметот оценил дека нема место за јавнообвинителска интервенција во поглед на смртта на починатата лекарка од Клиниката за нефрологија и дека таа самата се лишила од живот, односно дека повредите по телото настанале од самоповредување и дека нема елементи на кривично дело. Дополнително оттаму денеска ги демантираа информациите дека недостасувал дел од прстот на телото на починатата, како и тоа дека семејството не било известено дека истрагата се затвора.

„Сите информации и шпекулации според кои недостига дел од прстот на починатата се невистинити. Имено, кај починатата не се утврдени такви повреди или недостиг на делови од телото. Вештачењето на трагите пронајдени на местото на настанот укажува дека телото на починатата не било поместувано.

Надлежен јавен обвинител од Основното јавно обвинителство Скопје ги повика и разговараше со сите членови на најблиското семејство. Веднаш по донесувањето на Резолуцијата за затворање на истрагата, на 20 декември 2017 година до членовите на семејството се испратени писмени известувања со кои се информираат за јавнообвинителската одлука“, велат од Обвиителство.

Г.Н.Р

Прикажи повеќе...

Случај Масин

Кој и како ја запира истрагата за смртта на докторката Јелка Спасовска-Масин?

Објавено пред

По шест месеци, Јавното обвинителство сè уште не го расветли случајот за убиството на нефрологот Јелка Спасовска-Масин, која беше пронајдена мртва со убодни рани во својот дом. Од судска медицина сè уште го немаат доставено дообјаснувањето до Јавното обвинителство на кој начин ѝ се нанесени повредите на докторката Јелка Спасовска-Масин, иако во изјава за „Макфакс“ пред два месеца од таму рекоа дека тој ќе биде доставен за една недела. Ова дополнување, кое е клучно за истрагата, го запира расветлувањето на целиот случај.

dobivaj vesti na viber

„Прибрани се вербални и материјални докази. Се очекува пристигнување на побараното дополнение од Судска медицина, кое е битно за донесување јавнообвинителска одлука за натамошно постапување. Во насока на расветлување на настанот надлежниот јавен обвинител имаше средба и со блиски членови од семејството на починатото лице“, велат од Обвинителството за „Макфакс“.

Обвинителството не одговори на прашањето дали се прибрани видеоматеријали од локалните надзорни камери, кои би помогнале во целата истрага. Од Институтот за судска медицина објаснуваат дека им требало време за да дообјаснат како се настанати повредите на телото на нефрологот Спасовска-Масин.

Надлежниот обвинител ја комплетира истрагата, но не кажува кога таа ќе биде завршена за да биде објавен резултатот од неа. Педесет и тригодишната докторка и професорка на Медицинскиот факултет беше пронајдена мртва со убодни рани од нож во својот дом на улицата Елисие Поповски – Марко спроти Клиничкиот центар во Скопје. Истрагата е сè уште отворена.

Кристијан Ландов

Прикажи повеќе...

Случај Масин

Обвинителството се сомнева како настанала смртта на докторката Јелка Спасовска-Масин, се прибира дополнителна документација

Објавено пред

По пет месеци, Основното јавно обвинителство сè уште го нема утврдено начинот на настанување на смртта на докторката Јелка Спасовска-Масин. Од таму извори за „Макфакс“ брифираат дека сè уште не е комплетирана документацијата која е клучна за утврдување на причините за смртта на докторката. „Макфакс“ дознава дека Обвинителството побарало дообјаснување на наодот од обдукцијата бидејќи постои сомнение дека докторката била убиена во својот дом.

dobivaj vesti na viber

„Надлежниот јавен обвинител од Основното јавно обвинителство – Скопје ја очекува комплетната документација од Министерството за внатрешни работи, која е клучна за расветлување на случајот и за утврдување на причините за смртта. Во рамките на истрагата, покрај побараната обдукција и вештачењата на пронајдените траги од местото на настанот, надлежниот јавен обвинител нареди и обезбедување евентуални снимки од видеонадзорот на околните објекти во близина на зградата каде што беше пронајдено телото на 53-годишната лекарка“, велат од Основото јавно обвинителство за „Макфакс“.

Извештајот од Судска медицина бил завршен неколку дена по добивањето на случајот. Пред четири дена надлежниот обвинител побарал дообјаснување на наодот, кој ќе биде доставен до крајот на оваа недела.

„Веднаш штом го добивме случајот, го обработивме со сите анализи и ги испративме до Обвинителството. Од таму добивме писмо за доојаснување на некои работи. Моментно работиме на тоа, а кога ќе го завршиме, ќе го испратиме“, велат од Судска медицина.

Министерството за внатрешни работи случајот за смртта на Спасовска-Масин го води како смрт под неразјаснети околности, но, сепак, неофицијално се дознава дека има намера да го затвори како решен случај – самоубиство. Според информации на „Макфакс“, МВР никого досега нема ставено на испитување со полиграф.

„На местото на настанот е извршен целосен увид од СВР Скопје, телото на починатата е предадено за обдукција, а други предмети и траги пронајдени на местото на настанот се предадени за анализа и вештачење. СВР Скопје имаше службени разговори со повеќе лица, а преземени се и други мерки и активности врз основа на наредби од ОЈО во Скопје“, велат од МВР.

Според она што го истражуваше „Макфакс“, полицијата нема повикано на разговор луѓе што биле дел од опкружувањето на докторката, како и нејзините блиски. Педесет и тригодишната лекарка и професорка на Медицинскиот факултет беше пронајдена мртва со убодни рани од нож во својот дом на улицата Елисие Поповски – Марко спроти Клиничкиот центар во Скопје. Истрагата е сè уште отворена.

Кристијан Ландов

Прикажи повеќе...

Најново

Македонија10 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија11 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија13 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија14 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија15 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија16 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ17 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија17 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија18 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија21 час

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет21 час

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет21 час

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија21 час

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион21 час

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет22 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет22 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија2 дена

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија2 дена

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија2 дена

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија2 дена

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...