Daily news
Андреј Жерновски за “Ди пресе”: Партијата на Груевски предизвикува хаос!
Градоначалникот на општина Центар Aндреј Жерновски, во интервју за угледниот австриски весник „Ди пресе“, одговарајќи на прашања од новинарот за актуелната политичка состојба, упати жестоки критики за работата и одесувањето на досегашната Влада.
„Имаме мнозинство за една нова коалициона Влада, но не добиваме мандат од претседателот на државата. Тој е од истата партија на поранешниот премиер и ја игра играта на неговата партија. Овае уставна криза, бидејќи претседателот работи спротивно на Уставот“, оценува Жерновски.
Еве го интервјуто Жерновски за „Ди пресе“:
Прашање:Критичарите на Вашиот модел на коалицирање од Социјалдемократите и исто мисленици велат дека на овој начин албанскиот кампус во Македонија би добил повеќе власт?
Жерновски:Во минатото, на власт секогаш била една македонска и една албанска партија. Исто така и ВМРО-ДПМНЕ на екс- премиерот Груевски коалицираше со албанските партии. Овој пат, албанските партии не сакаат со него да права ткоалиција, бидејќи од своите гласачи тие затоа беа казнети, токму затоа што досега коалицираа со ВМРО. За прв пат Албанците во голем број гласаа за една македонска партија. И тоа е добар знак. Гласачите се позрели од многу политичари.
Прашање:ВМРО Ви префрла дека албанскиот јазик сакате да го направите втор службен јазик и земјата да ја поделите според етнички критериуми. Како го коментирате тоа?
Жерновски:Ние сакаме фер локален развој и правична поделба на парите – сеедно дали се работи за подрачја населени од Македонци или од Албанци.Не се работи за конфедерација или нешто слично. Се работи за тоа, секој да ги има истите права. На то јначин ќе добиеме една посилна, а не послабаМакедонија. Нашите противници сега се обидуваат да одиграат на картата на наводните интеретнички проблеми.Како што тоа секогаш се случува наБалканот кога има кризи, бидејќи имаме повеќе историја отколку што можеме да поднесеме.
Прашање:ВМРО исто така кажа дека при промена на власта, затворањето на балканската рута ќе биде вратено и повторно многу бегалци ќе дојдат во Средна Европа.
Жерновски:Тоа е смешно. Зошто ние тука нешто би менувале?
Прашање:Се плашите ли дека протестите во Скопје можат да доведат до уште понасилни инциденти?
Жерновски:Сето тоа е организирано од страна на Груевски и од сеуште владеачката ВМРО. Тие н авласт можат да останат, само доколку предизвикуваат хаос. Бидејќи ако има мирно предавање на власта, тие ќе го изгубат своето влијание. Поради скандалите во кои се заплеткани, сакаат да си ја спасат сопствената глава.
Прашање:Доколку и понатака нема решение и претседателот на државата ја спречува коалицијата со албанските партии, како ќе реагирате тогаш?
Жерновски:Сакаме да бидеме трпеливи. Иако и пред изборите имаше огромни тензии, ние рековме: Ние власта сакаме да ја смениме со пенкало, а не со други средства. Тоа народот го покажа при изборот и тоа е многу важен сигнал. Ние ја имаме подршката од меѓународната заедница, бидејќи таа разбира, што се случува. ВМРО сигнализираше дека треба да има нови избори. Но, новите избори нема да променат ништо. Тие само ќе ја зголемат кризата. Ние имаме ново мнозинство и тие мораат тоа да го прифатат…крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.