Daily news
Велигденски јајца од грав
За луѓето кои го гледаат животот и не се занимаваат со туѓата исхрана, несфатливо е тоа што ќе го прочитаат сега.
Вегани мразат месо и останатите ги нарекуваат убијци. Љубители на мравки ги мразат “тревопасните” убијци и дерогативно ги именувале како “вегани”.
Постои цела шпионска мрежа од мравјо-убијци кои се инфилтрираат во веганските Фејсбук групи и прават screenshot-публикациите и се забавуваат со нив.
Веганска патрола внимава на овие шпиони и ги блокира од групите. Ова е тивка војна на електронската фронт.
Двете страни на линијата имаат нечуени непотребни информации и вулгарности и пцости. Сепак, без да сакаме да ги дразниме едните или другите, во овој напис ќеја претставиме безмесна алтернатива на велигденската трпеза.
Најважно за Воскресението се јајцата. Нема да може да се потчукнете со нив, но пак ќе спиете мирно, во случај дека совеста ви наредува да не употребувате животински производи.
ПРОИЗВОДИ
500 г варен бел грав, или околу 250 гр сурова (повеќе ситна сорта), 400 г карфиол, 3 моркови, 300 г таан (пченкарен), 2 лимони, 500 г овесни снегулки или трици, 100 г сусам, 100 г ленено семе, црна хималајска сол (може и обична), 50 г кокосово масло за готвење (Незадолжително), куркума, црвен пипер, спирулина или магдонос.
ПОДГОТОВКА
Гравот во текот на вечерта со малку сода се става во вода. Потоа се менува водата и се вари. Морковите и карфиолот може да се подготвуваат на пареа или да се сварат Двата лимони се пасираатн – се добива нешто како крем. Се користи целиот внатрешен дел на плодот, без кората. Подгответе сусам и лен, мелени на брашно. Земи овесни трици или овес кој треба да се направи како фино брашно. Тие служат за згуснување. Кокосово масло е исто за згуснување.
Смеса за жолчки
Карфиолот одвојте половина за протеинот. Во остатокот ставете морковите и пак се вклопуваат додека се добие мазна пире. Ставете околу 100 г таан и помалку од половина лимонов крем. Истото важи за ленот и сусамот. Додаде околу 100 г (1/2 чаша.) Овес, куркума, чимен, црвен пипер и сол по вкус. Внимавајте со куркума, зашто има прилично силен вкус и арома. Вистинскиот боја на жолчката е повеќе портокалова, па од црвениот пипер ставете помалку и мешајте. Кога добиена боја ќе ви се допадне, оставете ја смесата до отстои барем еден час за да се лепат подобро состојките.
Смеса за протеините
Гравот направете го како пире. Додаде го издвоениот карфиол, сол, таан, лимони, сусам и ленено брашно. Додавајте и од овесните снегулки (кокосовото масло), додека добиете тврда смеса. Таа треба да стане прилично тврда. Оставете ја неа еден час да си почине.
Обликување
Исечете парче фолија со широчина околу 15 см. Од жолтата мешавина оформете жолчки со произволна големина, додадете “жолчки” и со фолијата заврзете ги како бонбони. Ставете ги јајцата во сад околу еден час или во фрижидер за околу 3 часа. Подгответе ги чиниите со “бои” од зачини. Куркума, црвен пипер и спирулина со куркума пример. Кората од “јајцата” со фолијата дооформете ја. Така добиените “јајца” наредете ги во чинија со рукола. Пресечете ги со остар нож, за да не ги пресече./крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.