Контакт

Daily news

(ВИДЕО) Добил отказ од „Фени“ поради статус на Фејсбук, неизвесно за другите 850 вработени

Објавено пред

Четврти ден по ред нема чад од оџакот на фабриката „Фени“ во Кавадарци, но никој не се радува на почистата животна средина во градот. Кавадарчани живеат во страв дека поради огромните долгови ќе се затвори фабриката и околу 850 вработени ќе останат без работа.

dobivaj vesti na viber

Празен е паркингот на фабриката. Вработените велат дека во убавите времиња се барало место повеќе. По некое возило паркирано под сенките покажува дека сепак има луѓе кои дошле да работат.

Од вторникот единствената производна линија што е во функција  работи на одржлив минимум со 5 мегават-часа, односно се одржува топла само за да не се изгаси целосно. Производство нема.

Иако производниот процес сопрел неочекувано, вработените велат дека состојбата во фабриката, посебно последниве неколку месеци,  укажувала дека прекин е неминовен.

„Макфакс“ дојде до Орданче Бошковски, сега веќе поранешен вработен во „Фени“,  кого работниците го посочуваат како една од првите жртви на лошите состојби. Официјално добил отказно решение поради статус на Фејсбук, но тој вели дека раководоството само барало начин да го отстрани поради тоа што гласно почнал да го искажува незадоволството на работниците.

Проблемите му почнале откако станал член на синдикалната организација. Во моментот кога се подготвувале за штрајк, незадоволни од намалувањето на платите, надлежните од фабриката го обвиниле за дефект настанат кога тој не бил на работа. Бил даден на Дисциплинска комисија, заедно со уште еден колега. Комисијата не нашла вина ниту кај него, ниту кај колегата, но кога се вратил на работа по суспензијата, првиот работен ден го дочекало отказно решение.

„Сметам дека сум неправедно избркан од работа. Поднесов две тужби против ‘Фени’, едната е за мобинг што ми го вршеа последните месеци на работа, а другата за отказното решение“, вели Бошковски.

Тој нагласува дека незадоволството меѓу вработените во фабриката почнало пред околу две години. Тогаш според него почнало кратењето на вработените, отпуштањата како технолошки вишок и кратењето на платите.

Бошковски направил пресметка колку пари раководството им скратило на работниците.

„Ако поднесеме колективна тужба за парите кои ни се скратени таа би била на сума од 1,5 до 2 милиони евра“, вели Бошковски и нагласува дека додека се крателе платите на работниците, платите на менаџерите не се чепкале.

Тој верува дека судот по тужбите ќе пресуди во негова корист, но не е голем оптимист дека ќе има каде да се врати на работа оти фабриката, како што сега стојат работите, вели дека е пред стечај.

Неизвесноста за работниците ја потврди и претседателот на синдикатот, Ѓоко Палитов. По денешните состаноци со менаџментот на фабриката тој само кусо изјави дека се во исчекување.

„Немам што повеќе да кажам во моментов. Во исчекување сме, се надеваме на подобро, но конкретен договор немаме. Извесно е дека сите треба да доаѓаат на работа,  засега нема отпуштања, нема технолошки вишок, отпуштања на 70 отсто плата. Очекуваме дека менаџментот ќе донесе одлука да продолжи работата“, рече синдикалецот Палитов.

Директорот на „Фени“, Јусуф Миракхмедов, денес беше презафатен за да одговори на прашањата за судбината на вработените и фабриката.

„Многу сум зафанат, барајте ги секретарките“, одговори Миракхмедов кога го побаравме на мобилниот телефон.

Секретарките, исто како и завчера, најавија одговори на прашањата за фабриката, но не ги испратија.

Во фабриката, пак, вработените велат дека и денеска имало извршители кои го попишувале она што останало.

Неофицијално, извршители сакале да ги попишат и автомобилите на менаџерите па дел од вработените биле задолжени да ги сокријат.

Голем дел од имотот на фабриката е попишан од извршители

Меѓу првите извршители во фабриката влезе Ангел Костадинов.

„Од моја страна е спроведено извршување врз подвижни нешта на ‘Фени индустри Кавадарци’ по барање на доверител. Попишан е дел од опремата, како и фероникелот. Но, истовремено ве информирам дека по мојот попис, пристапија кон попис и други извршители, и тоа за многу поголеми побарувања. Од колегите дознав дека се работи за Стопанска банка, Комерцијална банка, како и одредени добавувачи на должникот со поголеми износи“, ни рече Костадиновски.

Долгот за кој тој извршил попис изнесува околу 4 милиони евра и, како што вели, е меѓу најмалите долгови што ги има фабриката. Тој ја застапува фирмата „Ролис ГМ“, која заедно со фирмата „Селекта“ се поврзува со семејството на поранешниот министер за внатрешни работи, Митко Чавков.  Вработени во фабриката велат дека двете фирми вршеле транспорт за потребите на „Фени“ откако бил затворен рудникот Ржаново.

Според вработените во фабриката, по долгот за отплата на кредити, меќу најголемите долгови е долгот за струја, кој надминувал 7 милиони евра.

„Фени“ купува струја од Енерџи деливери солушнс, односно ЕДС ДОО Скопје. Дел од медиумите ја посочија оваа фирма како виновник за случувањата во „Фени“ па од ЕДС испратија официјално соопштение.

„Би сакале да потенцираме дека ЕДС ДОО Скопје ниту ја иницирала постапката за блокирање на сметките на ‘Фени индустри АД’ ниту, пак, има желба ‘Фени индустри АД Кавадрци’ да се затвори. Напротив, ЕДС ДОО Скопје, како и досега а така и понатаму, својата иднина на македонскиот пазар ја гледа во соработка со успешни и просперитетни компании во кои несомнено ја вклучуваме и Фени“, велат од ЕДС.

Поради заштита на интересите на клиентот, од ЕДС не кажуваат за колкав долг за струја се работи и дали веќе имаат договор за начинот на кој ќе им биде исплатен.

Долгот за струја, според вработените, надминува 7 милиони евра

Сличен е ставот и на банките. Од банките со кои соработува „Фени“ велат дека долговите и кредитите се банкарска тајна.

Охрабрување за судбината вработените во „Фени“ добија само од Влада од каде најавија помош, но не кажаа за каква помош се работи конкретно.

„Фени е компанија во приватна сопственост. Станува збор за голем комбинат што вработува околу 850 лица.  Во интерес на државата е  секоја фабрика да работи непречено и без проблеми. За таа цел Владата останува отворена  да помогне онаму  каде што може во рамките на своите надлежности. Остварени се контакти со менаџментот на ‘Фени индустри’ и од нивна страна се презентирани проблемите со кои се соочуваат и се разгледуваат можните решенија и како истите да се надминат“, изјави Миле Бошњаковски, портпарол на Влада.

На ваквите ветувања вработените велат дека не се радуваат и потенцираат дека сегашната состојба на „Фени“ е резултат на борба на крупен криминал.

текст: Маја Илиевска Пачемска
монтажа: Бојан Ефремов
камерман:Тони Кузмановски



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија6 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија6 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија8 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија9 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија10 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија11 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ12 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија12 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија13 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија16 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет16 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет16 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија16 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион16 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет17 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет17 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија1 ден

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија1 ден

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија1 ден

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија1 ден

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...