Daily news
Десет работи кои не сте ги знаеле за Дизни Ворлд
Волт Дизни имал големи планови за своето одмаралиште со омилените ликови, а еден од нив е и сонот да се создаде експериментален прототип на заедница на иднината, пишува Budget Travel. Визионерот за жал умрел само неколку години пред да се отвори неговиот футуристички детски град во 1971 година во Орегон.
Комплексот е со големина на Сан Франциско
Волт Дизни Ворлд во Орегон е голем 103,6 квадратни километри. Толку голема површина заземаат цели градови, а речиси толку изнесува и копнената површина на Сан Франциско.
Градот вработува илјадници лица
Не е едноставно да се одржува овој забавен град, поради што Дизни Ворлд вработува околу 62 илјади лица и тоа го прави да биде една најсилните приватни компании во САД.
Вистинско место за губење очила
Секој ден вработените во Дизни Ворлд пронаоѓаат околу 200 чифта очила за сонце, кои ги носат во канцеларијата за загубени работи.
Мисирка која зборува
Големите мисиркини нозе, кои зборуваат прв пат и се претставени на јавноста во Дизни Ворлд во 1990 година, а оттогаш станаа толку популарни поради што се воведени и во другите Дизни паркови во светот. Секоја година во Волт Дизни ресортот се јадат околу 1,6 милиони мисиркини копани, а таму можат да се купат и сите видови на сувенири со мисиркини нозе како мотив.
Светот на Дизни може сам да се одржува
Во Дизни Ворлд, поточно на земјиштето Епкот, секоја година се одгледуваат околу 30 тони овошје и зеленчук. Таа храна се користи во кулинарската понуда на Дизни.
Даб, кој е заслужен за настанување на уште 500 дабови
Дабот на слободата на самиот Плоштад на слободата во т.н. Волшебно кралство е стар повеќе од сто години, а преку своите плодови – желадите, стана татко на повеќе од 500 дабови во неговата околина.
Апартманот Сонот на принцезата
Во дворецот на Пепелашка во Дизни Ворлд се наоѓа апартман наменет за принцезите, а во него можат да спијат шест лица. Големиот ЛЦД екран е претворен во волшебно огледало, а целиот апармант е преполн со интересни изненадувања во форма на најмодерни гаџети. За жал апартманот не може да се резервира, туку добитниците на ноќавањето во него се избираат случајо, како освојувачи на сонот на принцезата.
Света инфлација
На почетокот на работата на Дизни Ворлд влезницата за возрасни чинеше околу четири долари, а денес благодарение на инфлацијата таа цена се зголеми на дури 100 долари.
Капетанот Кум
Капетанот Ео, 3Д научно-фантастичниот филм, во кој глумеше Мајкл Џексон, пред прикажувањето во кино салите најнапред се претстави во Дизни Ворлд. Филмот го режираше Френсис Форд Копола, а го продуцираше Џорџ Лукас. По смртта на Џексон во 2010 година филмот повторно се прикажува во парковите на Дизни во светот.
Дизни Ворлд е еко френдли
Околу 25 километри од Дизни Ворлд е сместен на резерват кој покрива 12 илјади хектари мочуришно земјиште, кое компанијата го купи во 1990 година. Дизни обезбедува средства со кои се поттикнува зачувувањето на дивиот свет во резерватот како надомест за тоа што Дизни Ворлд и го одзел на природата со градењето на својот град.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.