Контакт

Daily news

Згаснувањето на „Фени“ ќе ги направи транспортерите бездомници, ги заложувале куќите за да купат камиони

Објавено пред

Евентуалното згаснување на металуршкиот комбинат „Фени индустри“ ќе повлече затворање на уште стотина фирми, од кои 56 од Кавадарци, кои вршеле транспорт за фабриката. Транспортерите се жалат дека фирмата ќерка на „Фени“, „Нова логистик“, задолжена за транспорт, им должи околу 4 милиони евра оти не ги плаќала обврските со месеци.

dobivaj vesti na viber

„Сите сме заглавени со кредити и хипотеки, а веќе осум месеци ‘Нова логистик’ не ни плаќа. Ќе нè направат и бездомници оти многумина ги заложија куќите за да купат камиони. Во Кавадарци овие 56 фирми транспортери имаат околу 200 камиони, сите возат за ‘Фени’. Ние сме сведоци на деструктивно работење веќе 2,5 години, цело време сме под притисок. ‘Нова логистик’ ги добива парите од ‘Фени’ за транспортот за 45 дена, нам ни ги исплаќаше прво на 140 дена, па на 240 дена и сега уште ништо не ни исплатиле. Лани нè натераа да потпишеме дека долгот ќе ни го исплатат во 2017 година. Да сме ја помогнеле фабриката. Принудени бевме да потпишеме, ако не потпишеш, нема да ти даде налог и пропаѓаш“, вели еден од транспортерите.

Вработени од „Фени“ велат дека на раководството му било битно транспортерите да се исплатат во 2017 година за да можат нечепнати да ги извадат 68-те милиони долари депонирани во банка за покривање на работењето на фабриката. Банките потврдија дека оваа сума останала нечепната и на крајот на 2016 година, а раководството во фабриката си ги повлекло парите во целост.

Последниве неколку дена до транспортерите стигнал предлог од „Нова логистик“ да потпишат за долгот да се префрли на „Фени“ за да влезе во стечајна маса.

„Јас на такво нешто не сум согласен. Не сакам да влезам во правни лавиринти. На колегите, пак,  што се обидоа, нотарите одбија да им направат такво префрлање. Ние одлучивме парите да ги бараме од ‘Нова логистик’ оти со нив имаме договори. Имаме интензивни состаноци, формиравме одбор од 5 луѓе и се подготвуваме за тужби“, вели транспортерот.

Во фирмата „Нова логистик“ никој не одговара на телефоните. Не одговорија ниту на прашањата испратени на нивната адреса на е-пошта. Адвокатското друштво „Апостолски“, правен застапник на БСГР, малцински акцинер на „Кунико ресурсис“, групацијата во чија сопственост е „Фени индустри“, поведе кривична постапка против Надица Атанасова-Кабранова, заедно со постапката за директорот Јусуф Миракхмедов. Постапката ја поведоа за злосторничко здружување, за вршење многубројни нелегални трансакции и активности меѓу ‘Фени индустри’ и ‘Нова логистик’, преку кое е вршено перењето пари, при што ‘Нова логистик’, иако била фирма ќерка на ‘Фени индустри’, на незаконски начин, според „Апостолски“, преминала во сопственост на Надица Атанасова-Кабранова.

За работењето на „Нова логистик“, фирма ќерка на „Фени“ која била приватизирана, предмет отвори и Јавното обвинителство за гонење организиран криминал.

 

Синдикатот на „Фени“ ги оставил вработените без огревно дрво

 

Повеќето од вработените во „Фени“ ја искористиле поволноста што ја нудел Синдикатот за купување огревно дрво на рати. Договорот бил дрвата да ги добијат во септември. Тие го почитувале рокот и ги исплатите ратите, но дрвата не ги добиле и два месеца по истекот на рокот.

„Секојдневно бараме од претседателот на синдикатот да ни ги донесе дрвата, платени се со наши пари, но дрва нема. Се сомневаме дека синдикатот ги злоупотребил и овие пари што тешко сме ги одвојувале за да имаме греење во зима. Уште повеќе нè револтира фактот што некои колеги, блиски до раководството, ги добиле дрвата“, вели вработен во „Фени“.

Доцнењето на дрвата е само една од многуте забелешки за претседателот на синдикатот, Ѓоре Палитов. Тој не се јавува на мобилниот телефон за да одговори на обвинувањата.

Вработените во „Фени“ велат дека и тие ретко го гледаат и го обвинуваат дека е продолжена рака на раководството кое притиска фабриката да ја добие бугарски „Енекод“ и покрај тоа што фирмата пријавила загуби на почетокот на оваа година.

„Палитов одлуките ги носи сам или евентуално со уште неколку луѓе што се на раководни позиции. Сака да нè убеди да штрајкуваме пред банките, кога ние баравме штрајк, беше глув и ги бркаше од работа луѓето што ќе се осмелеа да спомнат штрајк. Целосно изгубивме доверба во него и веќе се организираме да избереме ново синдикално раководство“, велат вработени во „Фени“.

За фабриката, по иницијатива на банките поради долг од 40 милиони кон нив и уште 20 милиони евра кон други доверители, отворена е претстечајна постапка. Рочиштето на кое ќе се одлучува дали ќе се отвори стечај е закажано за 13 ноември.

 

(М.И.П.)

 

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Топ2 часа

Тешка сообраќајна несреќа во Кичево – три млади лица го загубија животот, има и тешко повредени

Утрово во 4.50 часот на улицата Магистрален пат во Кичево се случила сообраќајна несреќа помеѓу патничко возило „пежо“ со кичевски...

Македонија4 часа

Притвор од 48 часа за две лица задржани по убиството на лекарот во Железара

Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје...

Регион4 часа

Почна нова детаљна потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион5 часа

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа5 часа

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет5 часа

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа5 часа

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија17 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија18 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија20 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија21 час

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија22 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија23 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ1 ден

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија1 ден

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија1 ден

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија1 ден

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет1 ден

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет1 ден

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија1 ден

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...